鍾嘉欣︰怕好大壓力 個唱預男友不請父母

鍾嘉欣將於下月22及23在九龍灣展貿舉行一連兩場演唱會《Love Love Love》,面對處女個唱嘉欣BB顯得既緊張又興奮,就算要兼顧拍劇,她依然爭取時間排練,希望以最佳狀況答謝粉絲。不過她這個第一次,竟然沒有打算邀請父母出席,反而歡迎緋聞男友伍允龍捧場,唔通BB學人曳曳?

撰文:杜淑霞
攝影:李權威 服裝:bread n butter 髮型:Green Cheung @ Chin’G

化妝:Kenny Cheung@K’s Production House Limited

嘉欣提到演唱會即笑得相當甜,因為這個第一次見證着她五年來的努力,「加入咗樂壇五年,一直好努力咁唱歌,目標都係開到個唱,好多謝公司今次畀機會我!將來目標當然希望可以喺紅館開演唱會啦!」

既然機會難得,嘉欣亦不敢怠慢,練琴練舞又健身,希望以最佳狀況示人,「我收到消息已經即刻去搵教練健身,因為近年身體愈嚟愈差,想練番好身體,果然?家要拍《飛虎II》又要排舞都應付到。我為咗可以畀多幾面Fans睇,仲會苦練鋼琴,其實我細個有學過,但放棄咗好多年,希望練番好再彈畀大家聽。」

談到嘉賓,嘉欣即大賣關子,只肯透露會邀請兩位,一個孖住做玉女;一個則陪她Hip Hop。至於撐場嘉賓她就大方得多,連緋聞男友伍允龍都表明會邀請,「我都預咗請佢嚟睇,但最好佢自己買飛啦!買多啲仲好!」但會否安排身在加拿大的父母返港看,嘉欣卻反應甚大,「嘩!唔好啦!佢哋喺度我唱唔到歌㗎!會好緊張好大壓力,不過佢哋應該會偷偷入場睇。」

鍾嘉欣︰怕好大壓力 個唱預男友不請父母
嘉欣坦言演出時,如果家人在台下都會感到好大壓力。