鍾嘉欣夢熊有兆

鍾嘉欣今日喺荃灣出席《Mr.weather全球狂熱盛會開幕禮》活動,嘉欣大騷長腿益街坊,佢表示小時曾經扮演過天氣小姐,佢話:「我嗰時喺屋企乜都扮過,重扮過大肚,塞嘢落個肚到。」

嘉欣表示近期經常發夢自己大肚,但佢就坦言暫時未想做媽媽:「發夢自己大咗肚,個肚好大好重好驚呀。」問到會否效法陳茵媺奉子成婚?佢話:「唔會喇,想結咗婚之後先生小朋友。」近日工作太多,會唔會冇時間陪男友?嘉欣就扯開話題,經再三追問先話:「唔想答呀!總之人生好開心,身邊嘅人都吸收咗我嘅正能量,大家都開心。」

鍾嘉欣夢熊有兆
嘉欣BB近期成成發夢做大肚婆。

鍾嘉欣夢熊有兆
同Mr.weather出席活動。

鍾嘉欣夢熊有兆
嘉欣BB好靚啵。