《巨輪》造就攞視后
嘉欣BB：平常心，冇壓力

鍾嘉欣今日喺無綫將軍澳電視廣播城影無綫2014年嘅月曆，講到今年有傳公司諗住用《巨輪》造就佢攞視后，嘉欣BB笑笑口話：「平常心喇，我又冇壓力。年年都係咁講喇，不過我都開心得到大家關注，同埋朋友嘅支持，我會繼續加油，將來嘅嘢係未知之數。」

講到《巨輪》下星期一播，會唔會約埋啲藝員一齊睇？嘉欣BB話：「好似冇呀，我嗰日要拍廣告，應該唔得，但係監製已經約咗我哋睇大結局，聽講仲係book咗個好好嘅地方添。」

鍾嘉欣平常心面對視后挑戰。