鍾嘉欣失眠三月急停工

向來工作認真的鍾嘉欣，拍攝《蒲松齡》時竟猶如一Pat爛泥，原來當時她長期失眠，可幸最終不藥而愈，她望觀眾可對她網開一面。

嘉欣早前失眠三個月，令她拍《蒲松齡》時表現失準，如今重拾佳態，她直言會努力報答觀眾。

提起那段日子，嘉欣露出痛苦表情：「失眠咗三個月，個人狀態好差，（因為壓力瞓唔到？）唔係，剛剛放完假返嚟都冇事，仲好開心，但有一日瞓唔到，第二日又係咁，跟住就開始完全瞓唔到。」

未幾就接拍《蒲松齡》，戲份重加上角色好悲，嘉欣愈想瞓得好儲足精神工作就愈難入睡，她表示：「嗰時抵抗力差，成日病，皮膚敏感，返到屋企見到張床都驚，因為點都係瞓唔到，要媽咪扯我至肯返工，幾乎拍唔到落去。」可幸同劇的陳法拉、馬浚偉經常開解她，紓緩她不少工作壓力，令嘉欣心存感激。

鍾嘉欣密密做，不知不覺壓力大增。

捱過辛苦的日子，嘉欣終於重現笑容。

閉關養病

辛苦地捱過了該段日子，隨後嘉欣又接拍另一劇集，她知道這樣的狀態不可能繼續開工，於是要求休息一星期，在休息期間，嘉欣不接任何電話，再加中醫治療，終於慢慢好過來：「當時媽咪好擔心，成日幫我捽頭捽腳，（媽咪有冇叫你唔好做？）冇，佢只叫我唔好接得咁密，不過今次係一個經驗。」

經歷今次「大病」，嘉欣更覺得不可能因自己而影響到他人，所以日後工作都會更負責，努力做好每件事，並望觀眾可原諒她今次的失準。

歷人生低潮險辭演新劇
鍾嘉欣失眠三月瀕崩潰

鍾嘉欣透露早前受失眠困擾三個月，搞到情緒低落，幸好現已康復，心情也好轉。

在無綫新劇《蒲松齡》中，鍾嘉欣再度與馬浚偉和陳法拉合作，難得與兩位老友碰頭，理應心情輕鬆。誰知嘉欣被失眠困擾，更演變成人生最低潮，最痛苦的時間曾經想過辭演該劇，只是怕連累其他演員才打消念頭。

重提當日拍無綫新劇《蒲松齡》的日子，鍾嘉欣日前在電視城接受專訪，表示因失眠變成人生最低潮，最痛苦的時間曾經想過不做，她說：「原來有啲嘢係唔需要引發，嗰陣我係完全冇壓力，不過唔知乜嘢原因失眠咗三個月，搞到狀態非常差。」

雖然鍾嘉欣對收視抱平常心，但也希望新劇《蒲松齡》有好成績。

拍攝《蒲松齡》時，馬仔和陳法拉等好友均擔心鍾嘉欣病情，為她遍尋良方。

馬仔幫手捽腳

低潮時，鍾嘉欣痛苦不堪，曾經找不同醫生診治，她說：「我睇咗好多唔同嘅醫生，但我唔想食安眠藥，又唔可以請假，惟有死撐，加上角色又好悲，幾乎場場都要喊，最後去到覺得身體上支持唔到自己再拍落去，嗰陣我有諗過唔做，但係呢齣劇唔係得我一個，冇理由為咗一個人而影響，所以死撐住拍晒佢。」
當時嘉欣受失眠困擾，不少朋友先後開解她和尋找良方，她說：「唔止馬仔（馬浚偉）同法拉，身邊好多人都好想幫我，好似成日幫我捽腳同捽頭，但去到攰到唔喺呢個狀態，自己都冇力到唔想出聲，返工都要人哋扯我先得，家諗番都幾恐怖。」
那麼嘉欣最後怎解決這問題？她說：「最後因為要開另一齣劇，佢哋畀咗我 10日假休息，我媽咪又即刻返嚟陪我去旅行散心，慢慢咪好番。」有否留下陰影？嘉欣笑說：「咁又冇，但今次係一個好好嘅人生經驗。」