IQ考考笑

藝員投訴，最近啲 IQ題好深，個個怕瘀唔肯答。有見及此，今次叫咗鍾嘉欣出條簡單題目，唔好為難大家。不過嘉欣出完題後，自己都忍唔住笑咗成分鐘，之後仲扮雞泡魚俾我哋影相。喺《大藥坊》飾演女醫師嘅嘉欣，可能要開番劑藥俾自己喎！

高海寧：呢個 BB好多人鍾意嘅！

高登女神 keep到依家，高 Ling唔係浪得虛名，絕對有身材有腦袋，「我知吖！呢個 BB做戲又叻，好多人鍾意嘅！佢唔係高 Ling BB！佢係……哈哈！」

唐詩詠：我實唔識啦！

聽到 IQ題即時掉頭走，力勸之下，終於肯企定定影相答問題，但都要說：「俾啲 tips先！我實唔識?！」結果十秒內答中咗！唐詩詠有少許激動說：「呢次係我最快答啱！ yeah！」

黃浩然：考唔到我 IQ喎！

喺《大藥坊》做留學生嘅黃浩然，每次答 IQ題都快而準。今次佢自動請纓挑戰，結果唔使一秒答中，仲話嘉欣出嘅題目太淺冇難度，呢位留學生真囂張！

楊思琦：我個 BB囉！

喺《大藥坊》飾演嘉欣後母嘅思琦，一聽到 BB，即時聯想女兒穎穎，「佢扮喊好叻?，次次都呃到我嘅！佢咪做戲最叻嘅 BB囉！唔啱咩？哈哈！」其實思琦一早識答，不過想同大家分享吓 BB經啫！

陳展鵬：佢做戲咁叻！

同嘉欣傳過緋聞嘅煎 pang，果然心有靈犀，一答即中，「唔難估吖！唔係佢仲有邊個啫！」定係，你心目中嘅 BB只得呢一個？

鍾嘉欣開估：

公認答案——嘉欣 BB。其實千語 BB、馬賽 BB、甚至夏蕙 BB都啱！