鍾嘉欣首談《人生馬戲團》驚險事件

《人生馬戲團》,06年劇集,收視唔高,但久唔久就俾人提起。多年來一直有傳,05年拍《人生馬戲團》、到番禺取景嗰陣,劇組人員在當地遇劫。事後有指兩女被無綫高層樂易玲急召返港了解事件,其間有人泣不成聲,最後無綫下令所有人封口。

傳就係咁傳,估唔到一封口就封咗咁多年。今日嘉欣BB出席港台職安活動,講到職業安全呢樣嘢,佢就破天荒開腔講番當年拍《人生馬戲團》驚險事,但佢講之前神情有啲猶疑,仲話﹕「死喇,講唔講得0架?」

諗咗一陣,嘉欣BB終於話﹕「試過有一次,嗰時拍《人生馬戲團》,我唔知大家有冇睇過嗰套戲啦,但有條紅色繩,我著住啲紅色古裝衫,咁我要吊喺上面,咁但係因為嗰次冇吊威吔,我剩係用隻手嘅力、綁嗰啲死結呢,跟住就fing我,好大個圈,好似馬戲團嗰啲。嗰次對我嚟講,係好危險。嗰時得19歲,所以好唔知危險,依家就唔會再試喎!」仲邊憶述邊笑添。

鍾嘉欣首談《人生馬戲團》驚險事件
嘉欣BB主動講番05年拍《人生馬戲團》驚險事。

鍾嘉欣首談《人生馬戲團》驚險事件
「死喇,講唔講得0架?」
鍾嘉欣首談《人生馬戲團》驚險事件
猶疑緊講唔講
鍾嘉欣首談《人生馬戲團》驚險事件
終於都講喇﹗
鍾嘉欣首談《人生馬戲團》驚險事件
「我剩係用隻手嘅力、綁嗰啲死結呢,跟住就fing我。」
鍾嘉欣首談《人生馬戲團》驚險事件
「嗰次對我嚟講,係好危險﹗」
鍾嘉欣首談《人生馬戲團》驚險事件
講番件事時,嘉欣BB笑容幾好喎。
鍾嘉欣首談《人生馬戲團》驚險事件
當年嘉欣喺《人生馬戲團》應付唔少高難度動作0架﹗(劇照)
鍾嘉欣首談《人生馬戲團》驚險事件
《人生》傳聞多多,亦有傳當日係陳浩民(左一)闖禍所致。(劇照)
鍾嘉欣首談《人生馬戲團》驚險事件
當年的《人生馬戲團》成員,大家認得幾個多?(劇照)