陳山聰下月拍新劇《天梯》(陳豪、陳茵媺)

瘟女遭雪藏 名監製打救
陳山聰下月拍新劇

陳山聰掛住陪賭王千金何超雲歐遊未能如期返港為劇集《回到三國》開工,遭無綫飛出新劇並將他雪藏。據悉一向疼錫山聰的金牌監製李添勝近日出手打救,並成功助山聰解凍參與下月底新劇演出。

陳山聰自今年 4月 5日拍完無綫監製李添勝的新劇《我的如意狼君》後,一直未有在香港蒲頭,除缺席《洪武三十二》所有宣傳外,更以家事為由向無綫請假三星期,豈料被踢爆他在英國陪賭王千金何超雲歐遊,更被指拖欠頭等機票四萬元,無綫遂將他飛出台慶劇《回到三國》,並將他雪藏以示教訓。

早前在倫敦留下潮 look的陳山聰,下月獲無綫解凍拍攝李添勝新劇《天梯》。資料圖片

早前在倫敦留下潮 look的陳山聰,下月獲無綫解凍拍攝李添勝新劇《天梯》。資料圖片

賭王千金何超雲被傳與陳山聰開心歐遊,她不時上載靚相到微博。

賭王千金何超雲被傳與陳山聰開心歐遊,她不時上載靚相到微博。

陳山聰 2月跟李添勝齊出席劇集《我的如意狼君》拜神, 4月拍完該劇,下月添哥開新劇也預他一份。

陳山聰 2月跟李添勝齊出席劇集《我的如意狼君》拜神, 4月拍完該劇,下月添哥開新劇也預他一份。

添哥多番游說

陳山聰《我的如意狼君》劇照

陳山聰《我的如意狼君》劇照

不過,本報接獲消息,指山聰近日獲一向疼錫他的金牌監製李添勝打救,在添哥多番游說下,山聰終獲解凍,參與添哥下月底開拍、由陳豪和陳茵媺情侶檔主演的新民初劇《天梯》(暫名)演出。記者昨日向添哥求證時,他承認說:「係呀,我未見過佢(陳山聰),我都係透過 talent(藝員部)話有個角色想搵山聰,有個角色啱呢個演員做,問佢哋有冇問題, talent話冇問題,佢(山聰)遲吓返香港 o架啦。」
據悉陳山聰其實已經返港,添哥表示不知情,一切待藝員科安排與山聰見面傾談劇本角色。山聰早前又玩失蹤又講大話,結果被無綫雪藏,問添哥是否出手打救山聰,及可擔心山聰形象負面時,添哥說:「有乜打唔打救,我理鬼得佢,關我鬼事咩!都要角色啱至得 o架,如果角色唔啱我都唔搵佢啦,我都係為個劇啫,我唔理嗰啲嘢。」

民初劇戲份多

問到山聰新劇角色及戲份如何時,添哥說:「我搵佢做個大商家,呢部係民初劇,佢係做中藥批發,做大生意。張國強喺呢行嘅一哥,山聰永遠排第二,但佢就好想做一哥,都幾多戲份 o架,個劇預計下個月 20幾號開。」