劉德華及江華以前被指樣貌同舉動都好似，兩人12年前（即2003年）曾經同場演出，當時表現十分投契，尤其是江華及華仔合照，以及在台上演出時，台風同甫士都真是似到爆。而今天「我最期待的畫面」又再出現了，事緣江華在微博分享兩張同劉德華合照，兩位美魔男同以往分別不大，成熟有型又穩重，江華僅留了一個字：「禪」。唔知幾時會有劉德華﹑劉江﹑劉江華及江華四人合照呢？

記者今日致電江華，他說兩人「有嘢傾」，但就賣關子話暫時唔可以透露詳情。問是否劉德華找他？江華答得好玄：「佢哋有搵我，我都有搵佢，我搵佢時，我發覺佢都有搵我，想同我傾啲嘢。」

是否劉德華開的製作公司想找他合作拍劇？江華就哈哈笑：「呀？係咩？我想拍電影多啲喎，總之暫時唔可以透露。」江華現在轉做保險經紀，但他說好期待同華仔合作：「我一路講，有好劇本、好團隊，有誠意嘅製作一定出嚟，其實我冇話唔拍。」

12年後重逢，江華都覺得今次同劉德華見面好難得，除了工作，大家仲有傾吓子女經。問兩人是否同以前一樣有型靚仔？江華：「呢個唔係我哋答，大家都做咗老竇，呢樣喺最大改變。其實我一直唔覺得似，係大家覺得好似囉，最似一樣咪形態，真係好似。」