劉嘉玲讚星爺好尊重她 撐向太幫老公出聲

劉嘉玲今日出席蘋果動新聞的「動主播召喚2014」做嘉賓,同大家分享經驗的時候,說自己都有興趣做採訪,問她會否都想訪問下近期新聞人物周星馳?

嘉玲說:「依家報紙日日都寫,我都有睇過。」同星爺又算唔算朋友?她說:「我同星仔合作過《大內密探零零發》,我幾欣賞呢個人嘅才華,做嘢上合作幾開心嘅,不過私底下就唔熟。」嘉玲又說星爺在現場好認真同嚴肅,同她想像中的周星馳好不同。

嘉玲還說:「佢冇寸我,仲好尊重我,成日90度鞠躬。佢喺《430穿梭機》已經係咁,仲叫我嘉玲姐,好有禮貌,不過唔知係咪開玩笑。」

好多人都講星爺種種不是,但嘉玲就另有看法:「我覺得星仔可能係一個好怪嘅人,因為佢平時打扮好怪。不過有talent嘅人都係怪嘅。」問她如果同星爺再合作會唔會答應,她說:「到時睇吓劇本合唔合適,不過我都鍾意同有才華嘅人合作嘅。」

《大內密探》是向太找嘉玲同星爺合作。
《大內密探》是向太找嘉玲同星爺合作。

嘉玲謹記向太雪中送炭:女人幫老公出聲,我好理解

講到向華強太太陳嵐連日大動肝火向星爺開火,提到向太陳嵐同星爺之間的恩怨,嘉玲明明白白地謂:「《大內密探》係向太搵我同星仔合作。社會上人人有權表達自己嘅態度。我同星仔係工作上嘅合作,同向太私底下就好熟。」

嘉玲續道:「王晶同向太係喺我最冇戲拍嗰時,搵得我最多嘅人。我覺向太係真情真性嘅人。女人幫老公出聲,我好理解,好多人怕事,但向太勇於出聲,但兩人嘅事我就唔評論。」