大家還記得劉子千嗰首老土到爆燈，唱到街知巷聞嘅《唸你》呢?自從呢首歌之後，劉子千比人感覺就係好老土，唱腔似足6,70年代，其實，佢都係扮出嚟嘅啫。
因為千千最近有新歌呀，叫《都是愛》，比起《唸你》，首歌終於貼近返小小當代流行曲模樣，唱腔都變返現代人，仲有索女林舒語做女主角，不過，千千都係逃唔過俾網民惡搞嘅命運，點解?因為佢原本個MV已經「膠力十足」，個情節講佢同女友去遊車河，點知為咗閃避小狗發生交通意外，佢架車竟然喺半空翻騰7周半(或更多)，似足燒乳豬咁喺度自轉，網友都戲稱:「完全沒有注意他在唱什麼，眼光直視烤乳車…烤到天荒地老」網友仲搞咗幾個惡搞版，一架車無限自轉，一個就將四驅車動畫Crossover個MV，完全冇違和感，成個MV都係影緊架車點轉，同埋千千及女友喺車入面好痛苦咁樣，最後，千千同女友好凄美咁流晒血瞓地，不過，應該冇咩人留意。
不過MV入面，隻狗仔明明向左行，但劉子千避佢竟然向左駛，網友毫不留情話:「我往左走你還往左開，撞死活該。」
《都是愛》原裝MV
《都是愛》惡搞半空翻騰X無限
《都是愛》Crossover四驅車動畫
翻滾吧!車子!
翻呀翻
落地未呀?
咁轉法，千千會唔會變樂天小熊朱古力波?
再翻
終於肯落地啦
全個MV賣點只有一個—林舒語
咁凄美，不過網民都係笑爆多。
咁轉法，架車唔知咩構造嘅呢?