Super Junior殺到 厲旭負傷上陣

韓國人氣組合Super Junior（SJ），成員始源、厲旭、東海、神童、圭賢、銀赫、晟敏及強仁，聯同SJ-M成員周覓及Henry一行10人今晚及聽晚於香港亞博館開騷。

今日下午SJ抵港時，吸引約300名粉絲接機，快將生日的成員厲旭被拍到手指受傷，需負傷上陣表演。雖然人多易惹混亂，但10子以極速30秒分別登上三架七人車離開，效率超高！

大會事前安排了10名保安及5名警察維持秩序，據悉SJ由韓國飛來香港前，因忙於拍MV而攰到爆，不過身為人氣王嘅始源，步出機場時即笑容滿臉，不停向粉絲揮手。

至於一身藍色打扮、本周五生日嘅厲旭，被拍到包紮了右手手指，未知是否因綵排音樂劇時受傷。另一成員銀赫出發前在網上表示，特別戴上正服兵役的隊友藝聲所出品嘅黑超來港，認真夠義氣，難怪銀赫步出機場時仍堅持戴黑超。

晟敏(間條衫)

銀赫隨後

銀赫

神童緊跟銀赫之後

SJM的Henry

東海(後面格仔衫)

強仁(拎LV袋者)

始源(揮手者)

SJ開港騷 厲旭負傷上陣

韓國人氣組合Super Junior（SJ）與分支組合SJ-M嘅兩位成員，一行10人今晚及聽晚於香港亞洲博覽館開騷。今午SJ抵港時，吸引約300名粉絲接機，成員厲旭被拍到手指受傷，需負傷上陣表演，但正式演出時，厲旭已拆下紗布。

今次係繼09年後，SJ今晚及聽晚第二次以組合名義，喺香港開演唱會「Super Show 5」。成員始源、厲旭、東海、神童、圭賢、銀赫、晟敏及強仁，聯同SJ-M成員周覓及Henry會港迷。今晚一開騷，全場揮動藍色螢光捧，出現一片藍海，非常壯麗。

演唱會一開始，先播出介紹成員嘅短片，片中SJ以特務look玩飛車槍戰，又有煙花效果。播完片喇，SJ先穿黑衫唱出《Mr. Simple》，仲行去台中間，同企位嘅fans互動，東海就企人力推車親台側粉絲。

之後主台升起，SJ唱出《Super Girl》，並全體以廣東話講：「大家好！你好！」厲旭更睇貓紙講：「依家落雨都嚟睇我哋，多謝晒，我愛你哋。」

至於人氣王崔始源，佢就話好耐冇嚟香港演出，又問大家係咪好鍾意呢個舞台；東海則賣口乖，用普通話讚歌迷「很漂亮」。

SJ今晚於香港亞洲博覽館開騷，買唔到飛嘅，暫時睇相頂一頂先﹗

左起﹕神童、Henry、銀赫、東海及始源。

左起:圭賢、始源、銀赫

厲旭已拆下紗布。

左起﹕東海、神童、強仁、始源同銀赫。