《潛行狙擊》謝天華實彈狙擊法拉心寒

謝天華、陳法拉於新劇中飾演警員,日前親身到警員練靶場用實彈練槍,據知今次因劇情正面,獲警方公共關係科罕有地作出協助,法拉坦言開第一槍時,有種心寒的感覺!

謝天華、陳法拉日前為新劇《潛行狙擊》到警員正式練靶場練槍,二人更首次有機會以真槍實彈作訓練。據知無綫今次向警方公共關係科遞上劇本及作出申請,由於劇情相當正面,故獲得警方罕有協助,工作人員及演員進入練靶場時,都有一定的規矩要遵守,人數亦有一定限制,相當嚴謹,更有警官教天華及法拉揸槍的正確姿勢。

天華到警察練靶場練槍,獲警官教導正確的揸槍姿勢。
天華到警察練靶場練槍,獲警官教導正確的揸槍姿勢。

天華到警察練靶場練槍,獲警官教導正確的揸槍姿勢。
法拉開槍淡定,多次射中目標。

用現役警員手槍

天華坦言全真槍、有彈頭上陣都是第一次,雖然開了第一槍之後心都震,但就愈開愈過癮,天華說:「我哋用嗰啲槍係現役CID所用的手槍,開槍時後座力都好大,雖然我哋戴晒耳罩,但聲響好大,唔戴一定會聾,眨眼一定在所難免,呢個係自然反應,幾好演技嘅人都會。」問他是否大感過癮?他謂:「都幾o架!嗰日都開近60發子彈。」

踩界對白預投訴

至於法拉坦言開第一發子彈時感到心寒,她謂:「因為以前冇試過,唔知個彈頭會唔會彈出,之後連開兩發子彈開始定啲,平時啲人通常用右眼瞄準,我就用左眼,亦試過一次過開咗10槍,個靶都中咗好多槍。」

此外,該劇將於8月1日首播,天華不諱言都有心理準備會接投訴,他說:「當中有好多對白好踩界,所以都有心理準備。」