蒙面歌手龍小菌早前被本報影到除罩同疑似男友兼經理人邵子風行街街，今日佢去到旺角行人專用區舉行街頭演唱會，唔再「無面見人」，索性除罩會歌迷。
今日佢以真身現身，果然就係之前影到位靚女，佢嘅好友樂隊RedNoon同綠魔Karl都有嚟捧場，不過一開場就突然落大雨，現場一度混亂，而咁多人圍觀，龍小菌都只係唱咗三首歌而已。
龍小菌之前因為體重高達250磅，今日係以標準身材現身，佢出場時企上木箱同歌迷講：「我係龍小菌。」即激動得想喊，佢又話依家面上面既有汗水，亦有雨水。
咁楚楚可憐，雖然之前高登網民係咁負評，見樣後，會唔會正評呢?
好多人，不過旺角幾時都咁多人。
搵人幫手抹抹先
好慘慘
唔好喊啦
綠魔Karl點解呢壇嘢又關你事呢?
真係老是常出現
龍小菌:為失聰歌迷除罩
今日蒙面歌手龍小菌除罩見人唱歌，雖然只係唱咗三首歌，其中一首係王菲嘅歌，不過佢今日生日，工作人員送上蛋糕，觀眾就唱生日歌，緋聞男友邵子風就喺佢身邊以欣賞眼光係咁情深望住，又送上紙巾抹汗同雨水。
龍小菌解釋做蒙面歌手，係想大眾關注歌手音樂而唔係外表，佢覺得歌手被評頭品足不受尊重，仲感慨咁話：「戴面罩夏天流晒汗，冬天流鼻涕冇得抹。」其間歌迷大叫支持，令龍小菌感動到喊起嚟，仲喊到眼睫毛甩色，又話：「希望大家以後唔好以貌取人。」就開始唱她第一首歌《誰可聽我唱歌》。
問到佢以前職業係老師，蒙面係咪視為革命？佢話:「由細到大被人笑肥，唔想聽歌以貌取人，所以無公開，當時又想繼續自己職業，舊年六月辭職。」
咁問到係咪革命成功？佢話:「無成功，一樣有人以貌取人，但粉絲唔係睇重自己個樣，會繼續唱，七月出書。」咁自己係咪對自己個樣有信心？佢再話:「每個人都有自己嘅樣，都應該對自己個樣有信心，每個人都係獨特嘅。」係咪因為減肥成功先除罩？佢就反問:「係咪真減肥成功？係為一位失聰歌迷而除。」不過「失聰」嘅「歌迷」……?
咁再問佢係咪同邵子風同居？佢話:「唔係，一直同家人住，未有男友。」但影到佢兩個拖拖手喎，佢竟然反問「幾時?」又話無拍拖，咁係咪分手？佢就話:「無同佢一齊過。」無一齊過，但又拖手….即係點?
好大雨呀
不過龍小菌唔使帶罩，通爽好多。
你睇邵子風幾咁情深款款呢….
笑得幾開心
等我哋幫你搵返啲記憶啦…….