阮兆祥入行三十年演唱會 佘詩曼黃子華陳敏之撐場

阮兆祥為慶祝明年入行30年,將於12月14及15日假伊館舉行《阮兆祥2013一祥朋友演唱會》,今日佢就同梅小惠喺尖沙嘴約傳媒朋友見面。

祥仔是參加唱歌比賽入行,88、89年曾推出個人唱片,可惜只賣出5,000張,成績一般,經現任英皇高層人吳雨推薦加入無綫,但唱歌仍是他的最愛,早前膽粗粗入紙申請伊館的檔期,慶幸獲批,可圓開演唱會的心願。問他投資多少?他說:「都7位數字,好在有贊助商支持,15號日場已經爆滿。(有冇機會加場?)要睇賣飛反應,都應該會加。明年係我入行30年,話晒呢次係入行第一次,所以0依家籌備緊,希望可以將最好一面畀大家睇。」

至於嘉賓方面,小惠就笑祥仔係「中女氧氣筒」,祥仔話:「伍詠薇、江欣燕、佘詩曼、湯寶如、朱咪咪、田蕊妮,仲有陳敏之,我會同佢喺床上傾偈同唱歌,(擔唔擔心畀女擒?)被人擒慣,我本身係『擒獸』。」

佢仲話黃子華同張達明都會出現喺舞台,講吓阮兆祥係點樣嘅人,本來想搵埋李克勤同周慧敏,可惜佢哋撞期,仲有好多圈中朋友話嚟睇。問為何不請「福祿壽」成員王祖藍及李思捷?祥仔解釋:「唔想表演太過重覆,要做新嘢。」他又感激王祖藍為他新歌《世界仔》填詞,又多謝好友黃柏高送了一首慢歌給他。

梅小惠笑阮兆祥為「中女氧氣筒」
阮兆祥演唱會將同一班女嘉賓喺床上傾偈。
梅小惠笑阮兆祥為「中女氧氣筒」
阮兆祥入行快30年,第一次做演唱會,唔怪得佢話想做到最好。