IQ考考笑

要數娛圈爛 gag活字典，阮兆祥夠膽認第二，肯定冇人敢認第一。今期就等祥仔開條爛爛哋嘅 IQ題俾大家估吓輕鬆吓，不過估中無獎喎！

胡杏兒　要搵阮兆祥算帳！

向來甚少估 IQ題嘅杏兒，一聽到係祥仔開題，第一個反應就係：「我肯定係超級無聊！」估答案就渣啲，不過睇人嘅話，杏兒超準囉！

朱晨麗　我好好記性！

本來自命蠢豬嘅朱晨麗，初頭好緊張追問媽咪姐：「死啦！難唔難?？」但聽到問題後又突然回復自信，唔使 10秒就答到。「梗係啦！有朋友問過我，我記性好好?！」

張名雅　我係咪好好笑！

剛剛卸任嘅港姐冠軍張名雅，其實都唔係浪得虛名，佢初時都無乜頭緒：「真係諗唔到?！我係咪好好笑呀?」但經過媽咪姐提水後， 5秒唔使就出答案，美貌與智慧果然並存。

龔嘉欣　阮兆祥好無聊！

龔嘉欣諗咗半分鐘都諗唔到，但就不停口話「祥仔」轉數唔低，應該答案有番咁上下難度，點知當記者開估嗰陣，龔嘉欣即刻「唓」了一聲，大聲話「阮兆祥好無聊！」嘉欣 BB，認真便輸了，有時做人做事唔使諗得咁複雜嘅！

吳卓羲　真係好爛！

早幾期吳卓羲出嘅「搖（瑤）柱」 IQ題夠晒抵死，媽咪姐啲朋友一致讚好，今次考番佢，一樣冇難度喎！佢仲話：「呢個阮兆祥真係好爛，我啲題出色好多囉！」咁又的確係。

祥仔開估：食 Q（ Security保安員）