李司棋願繼續做好人 只要觀眾喜愛

李司棋最近在劇集《心路GPS》中,再度飾演慈母角色,雖然期間染上賭癮,但最後都行回正路。其實司棋姐自從飾演《真情》的「善姨」一角,一做就四年,「好媽媽」形象深入民心,司棋姐試過演反派遭觀眾反對,自此她也不敢再接反派角色,不過只要觀眾接受,她不介意繼續做好人。撰文:杜淑霞 攝影:畢紹基

司棋姐在《心路GPS》飾演爛賭媽媽,但原來她對賭一竅不通,「我真係連打麻雀都唔識,所以拍喺麻雀館嘅戲時,我要成日向工作人員請教先至明白,今次真係畀佢考起。」

司棋姐其實自從90年返回電視圈後,多數以「好媽媽」角色為主,但她不覺生厭,反而很安於現狀,「我試過92年拍《巨人》做過反派,當時有觀眾唔鍾意,寫信嚟投訴,問話點解我要做壞人,我嗰陣時未演《真情》個「善姨」,觀眾都咁大反應,咁既然觀眾要我做好人,只要角色有變化就無所謂啦!」

未想退休

司棋姐71年加入娛樂圈,一做就42年,雖然期間移民5年,但無損對演藝工作的熱愛,雖然她已年屆62,但仍未有想過退休問題,「我真係好享受演戲,我暫時身體都OK,只要體力應付到都無問題,都唔會諗退休呢個問題,囡囡(葉子青)都好支持我,依家目標當然係想送多啲好作品畀觀眾。」

李司棋認為,近年已難得有劇集如《心路GPS》的題材正面。
司棋姐認為,近年已難得有劇集如《心路GPS》的題材正面。