歐陽震華、關詠荷、黃智賢、黃智雯、敖嘉年、苟芸慧等今日登上帆船在維港繞圈為播出的TVB劇集「情逆三世緣」宣傳,眾演員於烈日當空下登上歐洲高桅桿帆船,分別以劇中三個年代包括宋朝、民初及現代造型宣傳。穿上鬆身裙的黃智雯不時要按裙子免走光;苟姑娘以古裝亮相依然肥美,傳聞指她因太肥胖而攻城失敗,要由西環搬回將軍澳,她自嘲只是攻電視城,搬屋只因方便拍劇。有傳她拿出城城愛的短訊予友人欣賞,她重申沒收過城城的短訊。
娥姐透露7歲愛女還未欣賞過父親張家輝的電影,會考慮攜愛女捧《激戰》場,因該片夠勵志。她又希望主演的新劇獲佳績。朋友看過此劇都讚節奏明快,又爆波比指收視佳會穿T-Back慶功,相信只是說說而已。由於她在劇中的50年代造型似足婆婆,她相信對方會捧場,女兒就不滿母親在劇中要死去。波比很感激之前入院時,同劇演員遷就,會萬歲請眾演員吃飯,但就并無考慮過戒酒,反而會注重宵夜不要吃很太飽。對於張家輝為新戲練出八舊腹肌,他表示摸過對方的腹部,大讚厲害,自已沒有戒油、戒鹽的毅力。
苟姑娘「清減了」 袁偉豪抱得起
郭富城﹑熊黛林(Lynn)及苟芸慧(苟姑娘)今年四月爆出「富苟黛」三角戀風波,「富黛戀」最後玩完,苟姑娘被指係「小三」,令佢深受委屈喊爆,好彩當時有城城呵番。
雖然後來件事已經略為丟淡,大家亦將苟姑娘嘅緋聞,轉移到佢身形上。點知最近再傳出城城撻着葉熙祺,令城城同苟姑娘個名再次扯返埋一齊。
今日苟姑娘喺維港一艘仿古帆船上,宣傳無綫新劇《情逆三世緣》,着住古裝嘅苟姑娘身形終於清減咗喇,至少同劇演員袁偉豪抱起佢時,都唔覺得太吃力,苟姑娘話已回復拍呢部劇時身形:「服裝阿姐都咁講,0依家用中藥同做運動減,仲努力緊。」希望苟姑娘繼續努力keep fit啦!
有指佢因為暴肥以及將郭富城嘅短訊同人分享,導致「攻城」失敗,結果要由西環搬返去將軍澳居住,苟姑娘聞言就話:「吓?咁快知喇?係同經理人商量過,為咗方便拍劇,所以搬返將軍澳區。」跟住苟姑娘仲大講爛Gag:「我一路都講攻電視城,亦希望觀眾留意我作品。」
(設計對白)袁偉豪:唔重﹑唔重﹑唔吃力!
苟姑娘都抱得起袁偉豪呀。
苟姑娘笑得幾燦爛。
全身又點睇?係咪清減咗先?
關詠荷新劇連死三次 有冇咁密?
由黃浩然﹑黃翠如及麥長青主演嘅《師父?明白了》播映至今,收視一般,雖然影帝周潤發曾表示有留意該劇,仲讚翠如BB演得好,可惜受到《衝上雲霄II》強勢衝擊,令《師》收視及口碑都冇乜起色,今個星期《師》就大結局,唔知收視會唔會反彈?
緊接《師》之後播映嘅,係由老拍檔兼收視「福將」歐陽震華(Bobby)及關詠荷(Esther),合演新劇《情逆三世緣》,劇情係講穿越時空追女仔橋段,唔知收視會唔會好似《陀槍師姐》系列以及《醉打金枝》咁勁呢?
今日《情》一眾演員Bobby、Esther、苟芸慧、朱晨麗、敖嘉年同黃智雯等,為新劇宣傳,由於現場都幾大風,黃智雯就一直按住裙邊以色免走光。
眾演員玩求婚遊戲,而Bobby大講有味笑話谷劇兼搞氣氛,佢教敖嘉年將「含蓄」掉轉讀,即係變咗「蓄….」之後Bobby鬧着玩攬住Esther,上演《鐵達尼號》招牌甫士,Bobby就笑住話:「呢啲甫士唔擺得,佢老公(張家輝)0依家好打得!」
Bobby事後話摸過家輝,佢話:「我同關詠荷講『你就好啦,一時瘦、一時肥、一時大隻』,我就得『肥』同『肥啲添』。」佢又話好敬佩家輝。
Esther又指劇中會以50年代嘅造型示人,因為扮相都好似佢奶奶,所以會叫奶奶同7歲大嘅囡囡睇:「初時囡囡唔肯睇,佢知我喺劇中死3次,所以佢未睇過家輝啲戲。」
歐陽震華同關詠荷擺晒《鐵達尼號》招牌甫士。
現場頗大風,黃智雯急急按實裙邊。
都幾狼狽….
好彩最後都冇走光..
敖嘉年及朱晨麗
郭政鴻及黃智雯
將「含蓄」兩字掉轉讀…
笑死咗…
唔知呢對福將今次能否帶挈高收視?