《師父》收視26點 浩然翠如話鼓舞

噚晚黃浩然同黃翠如主演嘅劇集《師父，明白了》同《衝上雲霄II》分別首播，《衝II》由開拍到依家話題多多，噚晚收視仲高開，最高有成35點，平均都有32點。

而8點半檔期嘅《師》劇錄得26點(約166萬觀眾)平均收視，最高有29點，相比《衝II》較為遜色。浩然、翠如、洪永城、王浩信等今日喺電視城為新劇《愛我請留言》試造型時，浩然同翠如異口同聲話對收視感到開心，更加係一個鼓舞。

提到《衝II》收視高開，翠如話：「32點，好應該，卡士強，景又靚，主題曲都OK吖！」不過佢又尷尬指偏向鍾意舊主題曲《歲月如歌》。翠如喺《愛》劇入面，同洪永城飾演情侶，但分手之後卻遇上浩然。問到同洪永城有冇親熱戲?翠如話：「未知，但諗起都打冷震，有幕後知道都笑我哋扮情侶恐佈過鬼故。」

翠如同黃浩然又有新劇拍啦，TVB睇嚟好睇佢哋。

「嬲」字?

兩人新劇《師父，明白了》噚日首播，收視最高29點。

「美心妹妹」呢期一樣咁紅。