梁嘉琪唔做弱女露奸相

由主播轉型拍劇的梁嘉琪雖然未擔正滋味，但未有灰心，直言繼續播種等收成，而演開弱質纖纖角色的她最近由弱變奸，希望能夠走出弱質的框架，奸出個未來。

加入無綫近5年的梁嘉琪過往都是演一些較弱的角色，為無綫拍的處女劇已有「藥煲」的稱號，她笑言自己也不明箇中原因，她說︰「可能睇落我好弱啩。」不過嘉琪於新劇《金枝慾孽貳》中卻一反「傳統」演奸角，她說︰「今次同以往好唔同，係演一個都幾奸嘅宮女，為自保出賣自細服侍的主人，我覺得係一個幾好嘅嘗試，希望大家會鍾意。」

嘉琪希望憑奸角打響名堂，給觀眾看到她另外一面。

嘉琪直言事業正處播種期，不介意角色戲份的輕重。

獲戚其義畀機會

對於能參演此劇，嘉琪直言非常開心，表示能夠拍攝監製戚其義臨別之作意義重大，她說︰「舊年拍到《金》劇，雖然用差唔多半年去投入呢個劇，但可以參與演出，仲係喺戚其義走之前拍到佢嘅劇，我覺得好開心，好光榮！」她又感激監製能給她機會演出弱女之外的角色，她說︰「以往都做開好柔弱嘅角色，佢係第一個畀奸角我做，畀人哋睇到我另一面嘅角色。」

拍劇主持齊發力

雖然近年接拍的劇集，嘉琪的戲份不是太多，但她未有灰心，直言去年的努力不是白費，她說︰「事業上仲播緊種，好似上年咁，成年都無停過，係我入咗無綫後最忙碌嘅一年。而且好多人會專注拍劇，或者主持工作，但我兩邊一齊做，能夠做到我鍾意嘅工作，我覺得好開心。」

葉翠翠壓力爆煲暴瘦十磅

葉翠翠首次飾演奸角壓力太大，結果暴瘦10磅，失眠又吃不下的她更要找中醫開開胃茶治療，對於被批評「讀對白」，她看得開謂大家已經好「仁慈」，亦不會因此被打沉，有人留意反而值得高興！

拍《金》劇時因壓力太大，葉翠翠暴跌10磅，要搵中醫治療。

港姐出身的葉翠翠有份參與《金枝慾孽貳》演出，接拍此劇的不少演員都坦言壓力大，鄧萃雯有情緒病、伍詠薇亦深感壓力而有影響，首次參與《金枝》的翠翠不諱言獲知有份演出時十分開心，但到真正拍攝後，竟因過大壓力而暴瘦10磅之多！翠翠坦言：「嗰陣壓力好大，食唔落嘢又失眠，瘦到好犀利，我睇咗幾次中醫，中醫開咗啲開胃藥畀我，之前從未試過咁樣，拍呢套劇係我入行以嚟最大壓力，可能第一輯嘅影響，大家都抱好大期望，自己都畀好大壓力自己。」翠翠表示於橫店拍攝時，每個演員一有空都只是讀劇本，大家很少聊天，可見每個演員所受的壓力有多大。

翠翠坦言拍古裝劇節奏拿捏得不好，有待改善。

只給自己50分

談到劇集出街後，不少批評指她只「讀對白」般，翠翠不諱言自己背劇本背到崩潰：「其實我覺得已經寫得好仁慈，我自己都覺得做得唔好，嗰日同朋友食飯，佢同我講『第一集我唔知你做乜，又唔知你講乜』！」加上劇本是演員臨場才有（俗稱「飛紙仔」），翠翠少有演古裝，亦首次做奸角，故她坦言自己根本拿捏唔到：「我畀自己50分，可以再好啲，講真，我有問過可唔可以重拍，但冇咁嘅時間。」

付出120分努力

翠翠之後接拍的是民初劇《守業者》，說到《金枝》評語及收視一般，會否被今次批評打沉？她謂：「唔會，從來冇諗過收視好唔好，剩係諗要做好佢，拍時自己已付出120分努力，但冇辦法。不過，我覺得有人批評即係有人睇，雖然畀人話讀對白，但唔緊要，最緊要有人肯講、留意自己。」