靚聲天后呂珊疑捲婚外情:以後會避忌

日前有雜誌指,49歲嘅靚聲天后兼無綫綠葉呂珊,同環星娛樂老闆、年約60歲嘅張國林半同居,報道指男方更為咗呂珊、五年前同太太離婚。

今日呂珊到觀塘,綵排鄭錦昌嘅「金曲輝煌半世紀經典演唱會」時,回應謂:「0依家先嚟傳緋聞,有啲尷尬,我好多男性朋友,雜誌影到嗰晚仲話張生同我阿媽做節,其實有其他人一齊食,以後會避忌啲。」

對於被指介入張國林屋企,呂珊指唔了解別人家事,而且同太子爺張子丰亦唔熟。咁啱張子丰今日出席另一活動,對於爸爸同呂珊嘅緋聞,張子丰話:「大人事我冇理,我同爸爸好少見,唔會問佢,我同珊姐都唔熟。」

另外呂珊澄清未曾以主人家身份、為張生屋企人舉行生日會,佢話:「係老闆請藝人去,我係座上客,總之我感情事一向低調。」

呂珊
《忽然1周》圖片

呂珊
今日呂珊被問到與唱片公司老闆緋聞時,大呼好尷尬。


呂珊嘅「好媽媽」形象非常入屋,豈少忽然爆出捲入唱片公司老闆婚外情。(資料圖片)

鄭錦昌開騷,今日譚炳文都嚟一齊綵排。
鄭錦昌開騷,今日譚炳文都嚟一齊綵排。

呂珊被指介入唱片公司老闆張國林婚姻,張之兒子張子丰(圓圖)今日出席另一活動時亦避談。
呂珊被指介入唱片公司老闆張國林婚姻,張之兒子張子丰(圓圖)今日出席另一活動時亦避談。