熊黛林與郭富城分手 尾指戴戒指宣告:重新上路

熊黛林(Lynn)在微博中上載了一張在左手尾指戴上戒指的圖片,因尾指戴上戒指寓意「分手」,而且她更寫下曖昧留言:「給自己的新禮物,祝福自己,重新上路……」即時惹來她與郭富城的分手疑雲!在她發帖約10分鐘後已有近過百位網友留言,眾網友紛紛詢問她是否和城城分了手,又有網友質疑她是否在逼婚,當中有網友反問:「不是剛剛在(郭富城)演唱會上才證明是『城嫂』嗎?」

其實最近熊黛林自從去完城城個唱兩度攻城之後,一直喺微博寫埋啲古古怪怪嘅嘢,好似4月8日就寫道﹕「以為,總是以為。以為你可以,以為你很堅強,以為你什麼都不介意。可是,那些,早已漸漸的深深的烙在了你的心裏,也許你只是後知後覺。」早於4月6日,又貼咗張兩隻愛犬嘅合照,寫道﹕「有你們陪我,甚麼檻兒都過得去。」似乎呢段「富黛戀」,真係已經玩完了。

熊黛林與郭富城分手 尾指戴戒指宣告:重新上路

有跡可尋 城城愛駒「愛河」變「愛將」

富黛戀玩完,除咗Lynn佢自己微博有小小端倪之外,其實城城之前幫佢同張智霖隻馬改名做「愛河」,已經被指係冧女友,但城城上個月突然去馬會申請改名做「愛將」,當時已經被指同苟芸慧緋聞有關,如今Lynn「重新上路」,「愛河」不再。

拜完山吵大鑊 四月五日分手

今日有周刊報道,兩人確實已四月五日分手。之前Lynn於3月底、即城城個唱完畢之後,同母親返回南京老家,而該報道就指,四月五日,Lynn喺南京拜完山返港,同城城通電話,點知又吵大鑊,結果嘈到分手。但就冇講明係邊個提出分。

據報道話,炒的內容係兩個字……名份。拍拖七年,男方一直未俾名份佢,只係大家都嗌佢城嫂而已。但今年33歲嘅Lynn,亦一直冇放棄過名正言順做合法城嫂呢個夢,但城城就一拖再拖,由07年嘅「冇夫妻宮」言論,到今年話要「攞埋影帝先」,結婚無了期,就令佢哋兩個之間嘅爭執更加多。

Lynn為求坐正,不斷迫婚,加上苟芸慧半路殺出,仲話已經秘交咗五個月,令Lynn更加心急,二度去城城個唱踩場,亦只為宣示主權。而城城高調同佢握手,令Lynn以為已經冇事,點知,原來呢個「正室」之位未坐穩。

據知其實Lynn想等城城完咗個演唱會,先再同佢講清楚。聽Lynn身邊熟人話,都知城城緋聞不斷,每次Lynn問到,只要城城話冇嘢,佢都會信;但今次,城城唔肯講同苟姑娘完全冇嘢,仲認係好朋友,Lynn就真係火都嚟,話佢「唔會再忍,係時候要醒!」之後Lynn返老家南京拜山,

Lynn棄城,自然神傷,惟有寄情微博訴心聲兼暗示情變,4月6號「些牙」狗狗相,話:「有你們陪我,甚麼檻兒都過得去。」已經令人看到一點點端倪…

壹週刊 第1206期:4月5日攤牌分手 苟芸慧界入郭富城 熊黛林:唔會再忍!
壹週刊 第1206期:4月5日攤牌分手 苟芸慧界入郭富城 熊黛林:唔會再忍!