現年27歲的馬賽去年12月被爆硬撬富婆Laura牆腳，暗交內地TB製片汪子琦玩斷背，純純兔形象徹底破產，誰知今年7月再有他穿情趣內衣跳艷舞的短片流出，馬賽即被無綫掟入雪櫃，沒工開的她8月中還出發去英國，揚言報讀了演藝課程，在當地逗留了一段時間，惟記者昨晚發現馬賽原來已秘密返港開工，正拍攝由許鞍華執導的電影，馬賽穿藍色旗袍，純情學生look上陣。

昨晚黃昏6時幾，馬賽坐電影公司的van仔去荔景邨拍攝現場，薄施脂粉嘅佢一到埗先俾化妝師、髮型師幫佢整妝，之後再食一盒炒麵醫肚，被爆暗交汪子琦玩斷背，記得當時馬賽聲淚俱下，表示連飯都食唔落，不過依家見她大啖大啖將炒麵塞晒入口，胃口明顯好了好多，其間附近師奶見到佢，即要求「集郵」，馬賽都來者不拒，同大家合照。

馬賽昨晚其實主要拍攝一個鏡頭，內容是講她行過路邊糖水檔，坐低食糖水，同一個小演員演對手戲，而導演許鞍華每拍攝一個鏡頭前，都會先同馬賽解釋再開機，最後馬賽拍到11時左右先收工，由電影公司的van仔載返歸。

據知，馬賽拍攝的新片名為《8步半》，全片分八個單元故事，背景為5、60年代的舊香港，除咗許鞍華負責嘅故事搵馬賽做女主角，另外七個不同單元故事，會有不同的導演負責，當中包括杜琪峯、林嶺東、徐克、吳宇森、洪金寶，袁和平及譚家明等，而杜琪峯同時會擔任監製一職，這部電影的誕生，全因為現時電影已經數碼化，希望透過八位80年代出色的導演向菲林致敬。

【學生旗袍look】馬賽前晚着旗袍開工，再以純純兔形象出現。

【導演教戲】許鞍華拍每個鏡頭前都會先同馬賽溝通。

【街坊集郵】拍攝期間馬賽遇到街坊要求拍照，來者不拒。

【收工返歸】馬賽前晚拍了幾個鐘便收工，臨走前換回小背心。