林欣彤(Mag)、馮允謙喺屯門出席商場活動，林欣彤中秋節同家人慶祝，問佢點解唔同男友羅孝勇慶祝，佢話：「唔使團圓啦！」問佢係咪分咗手，佢強調大家係朋友，至於分手原因，佢話：「冇話分唔分開，用唔同相處模式。」

11年林欣彤已經同羅孝勇傳緋聞，雖然佢一直唔認，但去年多次被斷正同羅孝勇同居，喺舊年4月，Mag就被目擊去到羅孝勇嘅何文田山豪宅，直到深夜都未有外出。

另外，講到通訊事務管理局日前裁定無綫電視違反競爭條例罰90萬元，問Mag會唔會希望亮相其他電視台，仲可以講廣東話，林欣彤話：「依家有好多平台，但我仍然支持自己嘅平台做好啲就得。」

林欣彤暗示同羅孝勇已經分手!

今日佢同馮允謙一齊出活動。

前年齊齊接受專訪

舊年一齊睇Wyman作品展。

上年4月兩人又被本報拍得一齊行街。

之後就一齊打的返歸。