對洪永城來說，世上最遙遠的地方，不是北韓而是澳洲，他千辛萬苦才追到手的女友唐詩詠，上月底隨契哥馬國明同赴澳洲演出，「契兄妹」在異地如入無人之境，餵蟹侍候、同歎一cake、癡纏自拍、酒店徹夜談心，蜜遊三日再以情侶裝搭機返港，「兄妹情」一trip昇華。
多年來馬明、詩詠關係一直游走於兄妹與戀人之間，曖昧不明狀況未有因洪永城介入而清楚了斷，詩詠為怕契哥單身寂寞而經常約同聚會，馬明亦惟恐阿妹再遇人不淑而問長問短，詩詠正印男友洪永城反成局外人。
頭上綠影籠罩，洪永城提到女友與馬明關係時呷晒醋謂：「兄妹吖嘛！」一語雙關，表面告訴大家冇事發生，潛台詞是提醒相關人等勿越兄妹之禮！
馬明、詩詠無論幕前或私下均從不避嫌勾肩搭背、十指緊扣，去到異地自然更毫無顧忌。8月28日，馬明、詩詠獲無綫安排遠赴澳洲悉尼出席一年一度宣傳活動，三日工作行程，二人亦抽空同遊當地景點及飽嘗美食，木訥的馬明在詩詠面前分外開朗，二人同吃一cake，詩詠餵蟹侍候，相偎自拍，兄妹情在異地火速「昇華」。
三日蜜遊之旅完結，按往年澳洲嘉年華慣例，藝人通常乘搭最早航班（約當地時間9:00am起飛），但馬明、詩詠卻選擇乘坐最遲一班（當地時間3:00pm起飛），玩盡最後一刻。航班於8月31日晚上9時半抵港，由於二人獲安排乘坐商務位，比乘坐經濟位的助手先下機，下機後二人一身情侶裝把臂同行，直至在行李輸送帶前會合助手後，才捨得分開。馬明負責提取行李，又拆開手信「分贜」，估計當中包括詩詠買給洪永城的手信。之後二人各偕助手分乘兩架保母車返回市區。
三天澳洲之旅，唐詩詠、馬國明在不同景點自拍大量合照及短片，張張面貼面依偎，留住最美回憶。
是次悉尼之行只有助手隨行，無綫未有派工作人員同往，難怪馬明、詩詠這趟「蜜月」之旅玩得如此盡興放心。據悉二人除了日間一同工作、同玩同吃，夜間一樣爭取時間共處。知情者指：「阿Nat（詩詠）好黐馬明，馬明又從來唔會對一個女仔好似對阿Nat咁親密，兄妹都冇佢哋咁好感情，喺悉尼嗰幾晚佢哋其實11點零已經返咗酒店，有晚電視台有事打俾馬明，事前仲驚佢瞓咗，點知聽到詩詠把聲喺隔籬。舊年兩個去上海拍《梟雄》，阿Nat都夜媽媽過馬明房摸吓酒杯底，唔傾到三、四點都唔捨得走。」
馬明與詩詠自2010年合作拍《鐵馬尋橋》後開始以兄妹相稱，當時各有另一半，二人更無避忌，後來馬明與胡定欣分手，詩詠亦屢遭崔建邦背叛，感情低潮期兄妹互相開解，無所不談，緋聞不脛而走，即使今年洪永城追掂唐詩詠，也未能成功將兄妹「拆散」，詩詠對冇拖拍的阿哥更加關懷。7月《鐵馬》兄弟於大坑韓式海產店開餐，詩詠被發現親手剝蝦殼侍候馬明，飯後再親自駕車送馬明返家。
《鐵馬尋橋》兄妹飯敍，到大坑品嘗九層塔，詩詠為馬明斟茶遞水剝蝦殼，親暱一幕被傳媒拍下。
《鐵馬》兄妹情誼始於2010年劇集《鐵馬尋橋》，五兄妹中以馬明和詩詠感情最非一般。
有影皆雙，已成彼此間的鐵腳，今年3月拍住拖欣賞單立文舞台劇《嬉春酒店》。
去年中劇集《梟雄》赴上海取景，大班演員中二人偏偏又獲安排在機上坐在一起。
《梟雄》在上海拍攝期間，二人繼續同拍同玩同食，緋聞再被炒熱。
二人不時以情侶檔接騷，前年在活動上，同穿情侶黃，活動未開始時竟親密耳語、十指緊扣，戀味勁濃。
去年底皮革活動上，眼神迸發的火花，比當年陳豪陳茵媺有過之無不及。
馬明本身沒微博，卻頻密在詩詠微博曝光，形同男主人。澳洲返港前，二人在當地機場拍下此照，被網友揶揄似剛領結婚證。馬明手上拿着的公仔正是由粉絲所送的天然呆「近親」！粉絲皆認為二人的恩愛程度非比尋常，紛紛勸二人「在一起」，有的更深信二人已在一起。
詩詠啟程由澳洲返港當日，洪永城因有劇在身未能前往接機。對於女友與馬國明蜜遊澳洲兼餵對方食蟹，他死撐「唔呷醋」、「OK放心」， 但難掩酸溜︰「我去啲地方咁辛苦，佢唔會同我去！」
記=記者 洪=洪永城
記︰唐詩詠澳洲返嚟，有冇買定幾斤蝦叫佢幫你剝？
洪︰哈哈我自己本身蝦蟹敏感，冇機會俾佢幫我剝蝦。
記︰睇微博見佢同馬明喺澳洲玩得好開心，你有冇每日追魂call女友？
洪︰冇，我呢幾日都忙做嘢，佢開心應該嘅，難得去到海外，應該觀光吓、睇多啲嘢嘅。
記︰呷醋？
洪︰唔會！梗係唔會啦！
記︰放心嗎？
洪︰…OKOK！冇問題嘅，兄妹嚟㗎嘛！
記︰有冇同馬明合作過？
洪︰馬明未合作過。
記︰你同唐詩詠拍拖之後，佢有冇正式帶你見過契哥？
洪︰……冇乜機會見到，未有一齊食過飯住。
記︰點解唔叫無綫安排你同詩詠拍旅遊節目？
洪︰我去啲咁辛苦嘅地方，北韓呀、亞馬遜呀，佢唔會想同我咁辛苦。
記︰最想同佢去咩地方？
洪︰我哋冇乜討論呢個問題，去啲正正常常，首爾、日本當然冇問題。
記︰覺得馬明份人點？
洪︰幾好吖！聽同事講佢唔錯…
記︰覺唔覺馬明特別關心詩詠？
洪︰兄妹吖嘛，你都對你個妹好啦！
記︰佢同馬明去街、食飯會唔會同你講聲？
洪︰有講嘅，有時佢班《鐵馬》兄弟聚會都會同我講。
記︰使唔使睇緊啲？人哋叫筍盤喎。
洪︰…er…er…er…我哋喺度餵蚊喎！
洪永城、唐詩詠前年拍《載得有情人》撻着，今年初地下情曝光，被拍到於赤柱遊玩，但至今二人未公開承認戀情。唐詩詠與崔建邦拖拉七年，終在2012年分手，洪永城其實在有線年代已有翻版崔建邦之稱，情有獨鍾這回事，莫非真是基因早種？
洪永城主持的北韓旅遊節目《在那遙遠的地方》上周播出成為熱話，其中最後一幕洪永城即場在酒店房致電女友談及對北韓感覺，借戀情谷收視兼宣示主權。
馬明向來對詩詠高度關心、超級保護，當年崔建邦拖拉詩詠七年又屢被爆偷食，一向待人敦厚的馬明被問到此事時罕有對男方流露敵意。前年詩詠因行車證過期兼違例泊車而連食兩張牛肉乾，馬明已惟恐阿妹有失：「我唔知佢牌費過期，佢仲揸，如果佢有事，我會去保佢出嚟！」今年初洪永城傳出狂追詩詠，馬明被記者問到是否支持二人發展時，他勉為其難說：「唔講支唔支持，最重要阿妹鍾意，如果真係鍾意冇人可以影響到！」
馬明的確非常關心阿妹新戀情，據悉他常向詩詠問長問短，又囑她睇清楚，傳到洪永城耳中，難免生芥蒂。加上詩詠與洪永城拍拖後，馬明照樣「霸佔」阿妹時間，又常以男主人姿態在詩詠微博登場，曝光率超高，對於仍未獲詩詠公開正男友名份的洪永城來說，自然不是味兒。
早前洪永城特意由鯉景灣搬到西貢匡湖居，與居於清水灣半島的詩詠拉近距離。雖然詩詠經常與馬明形影不離，但亦未有將洪永城拋諸腦後，近日洪永城忙拍新劇《實習天使》，詩詠間中亦會到對方寓所執拾、餵貓。奉勸洪永城與其同馬明爭女，不如介紹個女友俾馬明，到時各有所愛皆大歡喜！
對於緋聞再被翻炒，馬明回應說：「笑話一則，唔回應喇！」唐詩詠則在微博發文回應，以一張貓相表示自己只會與貓貓餵食，她說：「今次寫太過分，寫到入埋房。（洪永城詐型？）咁又冇。」
馬國明暗食黃心穎半年
今日有周刊報道，原來馬明暗渡陳倉，真正目標其實是黃心穎，更已經秘戀半年。心穎一直當馬明是男神，入行後，見到馬明必定親近影合照，偏偏近日拍攝新一輯《學是學非》，大合照時，兩個人一定隔開條彌敦道咁遠。原來在年初，黃心穎已經溝掂馬明。之後合作拍攝《為食神探》，對足兩個幾月，日久生情。聽工作人員透露，黃心穎演技突飛猛進，同馬明的床戲拍到真的一樣。既然已經成功得米，馬明就當然識避忌啲啦。
馬國明在《衝上雲霄2》與江美儀玩姊弟戀。現實生活，馬明一樣係溝女不用睇年紀。
06年，馬國明同大自己九年嘅曾華倩拍《古靈精探》撻着，食飯行街從無避忌。
到08年，胡定欣同馬國明拍《舞動奇跡2》，力追得手，可惜，拍拖一年，馬明頂唔順胡定欣公主病，分手收場。
到10年，今次輪到《鐵馬尋橋》，馬明日日買早餐買消夜冧李詩韻，仲要求加嘴戲，點知竟然無下文。
原來，因為同時力追同緊崔建邦拍拖嘅唐詩詠，不停發短訊話「等你」，可惜，失手。
係等你嘅期間，輪到《名媛望族》，馬明今次睇中朱晨麗，仲幫人改花名「Morning朱」，真係估佢唔到。
喺呢度食，喺呢度……一間電視台，乜女都俾馬明試過，終於向外發展，轉溝?模徐佳琦，不過，因為馬明懷疑女方放料，即斬纜。單睇呢張成績表，只可以講，馬明，食家嚟喎。
周刊報道仲話，心穎BB同馬明一齊時，就好似同超級巨星拍拖咁，因為男方要玩低調，所以要跟足馬明個時間表，「隨傳隨到」去男神位於太古城屋企煮個麵咁0架。
馬國明鍾意玩認兄妹認好朋友，但同時又send啲曖昧貼心message，令你唔知佢想點，包括對唐詩詠都係一樣。馬明一向拍拖都好「神秘」，同女方唔會成日見，但女方要隨傳隨到，有時戀情見光，男方仲會即逃，而馬明發訊息，亦都好含糊，唔會講到好白，未知係唔係怕對話內容外洩。其實同馬明傳過緋聞嘅女星真係唔少，但除咗曾華倩同胡定欣之外，好似之後幾個如唐詩詠、李施嬅、朱晨麗等，都係疑幻疑真又似兄妹又似老死，總之唔會上身，話佢唔係食家都冇人信。
緋聞男女馬國明與黃心穎今日齊齊現身無綫48周年台慶劇記者會，分別代表台慶劇《梟雄》與《東坡家事》，對於緋聞對象再「換畫」，被指暗撻心穎半年的馬明笑說：「依家都傳到我都唔知同邊個嘞，原本今日嚟係準備答同唐詩詠嘅，點知嚟到變咗心穎，下星期都唔知變咗邊個，當係宣傳啦！」
馬明在活動中有與詩詠「男友」洪永城（Tony）碰面，二人搭晒膊頭未見芥蒂，問到與Tony有否尷尬？馬明說：「冇尷尬！我仲同佢講笑，我哋《梟雄》一定贏佢《張保仔》囉！要同對方解釋？唔使解釋，大家都係笑吓咁！」談到被指獲心穎送錶，馬明說：「下次唔好送錶，係就送樓送車啦！」身旁的黃心穎即笑說：「送都唔送畀你啦。」對於成為心穎緋聞對象，馬明搞笑表示：「其實今次緋聞對象都幾好，之前都係有老婆嘅，今次都唔算難睇！」問到有否發展機會？心穎則說：「問男仔，女仔答好怪咁！」