警花「高Ling」查案 唔似子珊着高踭鞋

今日凌晨約零時30分,有司機發現車斗上三支電風炮被偷走報警,去到調查嘅係一名外號「高Ling」嘅女CID,幫司機錄取口供,雖然佢唔似高Ling高海寧,但都貌似謝安琪,網民讚呢位師姐索爆。

講起師姐,最近「膠力十足」嘅TVB劇《神鎗狙擊》都有好多師姐,其中以好似擁有不死身,炸極都唔死嘅徐子珊最多人講,佢喺劇入面查案,竟然成日著低胸衫同5吋高踭鞋,真係令人嘖嘖稱奇,網民好質疑呢種裝扮,但子珊話問過做警察嘅朋友,話師姐真係著高踭鞋喎!不過今日見呢位索師姐「高Ling」,只係著厚底涼鞋,睇個樣追賊點都快過高踭鞋啩!?

再講起師姐,咁啱依家中午時段TVB重播返經典劇集《陀槍師姐》,娥姐同三元真係TVB最經典嘅師姐,唔知大家心目中最經典又係邊位「師姐」?

警花「高寧」查偷竊案
子珊著咁高嘅鞋查案,仲可以好似Matrix咁掃低班賊。
貌似謝安琪的索Madam「高ling」。
貌似謝安琪的索師姐「高ling」。

佢係著厚底涼鞋嘅。

徐子珊係著對咁高嘅鞋查案嘅。

返到屋企都係著呢對

平日佢對成把扇咁嘅眼睫毛已經好誇張。

娥姐同三元先係師姐典範。

新一代心目中嘅經典師姐,唔會係《女警愛作戰」嘅周麗淇啩….

定係朱璇BB….

總之應該唔會係不死身徐子珊….