黃智雯趁阿佘離巢搵位攝

無綫生力軍黃智雯在新劇中與前輩胡杏兒演密友，獲對方傳授不少演戲心得，獲益良多！深受公司重用的她，視決意離巢的佘詩曼為奮鬥目標，望有朝一日能獲觀眾認同！

黃智雯年前因「鵪鶉妹」一角成功彈出，其後劇集長拍長有，雖然還未躋身花旦之列，但機會從未間斷。最近她在新劇《怒火街頭》中與胡杏兒演同居密友，為凸顯感情，二人還自度對白，非常投入！

智雯透露每次與杏兒合作，也會向她偷師：「杏兒個人好認真，有時仲幫我諗埋一啲我忽略咗嘅嘢，加上佢記對白好勁，就算今次演律師台詞好深，佢都係Take一、兩次就OK！」她坦言自演「鵪鶉妹」成功後，觀眾對她開始有要求，令她壓力大增，更一度擔心形象受局限。

吼實飛躍進步獎

談及佘詩曼離巢外闖，其餘花旦紛紛諗計上位，智雯說：「咁我都希望有朝一日可以好似阿佘咁成功，會視佢為奮鬥目標，達唔達到都好啦！目前嚟講，公司都畀好多機會我，所以一切平常心。其實我覺得『飛躍進步女藝員』獎都好緊要，因為代表到觀眾認同你嗰年嘅進步嘛！」

目前單身的她自爆已「Dry爆」好幾年，雖然恨拍拖，卻苦無對象：「冇法啦！我圈子太窄，不過都好，可以等我專心工作，因為我係一個好分心嘅人，如果拍拖唔知點算，所以想有啲成績先再諗。」

黃智雯坦言希望像佘詩曼般成功，並吼實「飛躍進步女藝員」獎。

劇接劇的黃智雯，感激無綫給予機會，非常知足。

最近演活「花家姐」一角的佘詩曼，是黃智雯的奮鬥目標。（資料圖片）

未有拖拍的黃智雯自認生活圈子窄，識男仔有難度。

擁有修長美腿的黃智雯入行3年多，獲得無綫給予不少機會。

智雯希望得到認同，最恨攞「飛躍進步女藝員」獎。