魏駿傑母設靈 遺志留心中

魏駿傑媽媽陳如芳早前病逝,今日在香港殯儀館設靈,明日舉行大殮儀式,遺體將移往將軍澳華人永遠墳場土葬。一身孝服的魏駿傑手抱囡囡,與太太張利華到達殯儀館,為亡母打點喪禮,錢小豪亦有到場致祭。

心情已經平伏的傑仔,透露為媽咪準備一件登台衫作為陪葬,喪禮將以佛教儀式進行,他說﹕「媽媽係佛教徒,生前廣結善緣,所以有80幾個師兄,居士過嚟坐念。」問到會否繼續跟媽媽的遺志,他說:「會,在心中喇,長時間食齋,但係講出嚟嘅嘢係唔好,會傷害到人,咁做咪仲衰,我寧願做濟公,日日食肉,但係唔會害人同講野傷害人,咁咪仲好。」

傑仔以前因照顧媽媽而減少內地工作,他稱現階段繼續兩邊走,至於會否返無線拍劇?他說:「有可能架,傾下,我都想返,never say no,never say never。」

魏駿傑媽媽今日設靈
魏駿傑媽媽今日設靈。

錢小豪到場致祭
錢小豪到場致祭。