魏駿傑喪母 傷痛眼紅紅

魏駿傑的媽媽昨日因癌病病逝,享年82歲。今日早上傑仔與兩位哥哥到灣仔辦理媽媽的身後事,他心情尚算平伏,又透露因囡囡年紀尚小,故太太與囡囡並沒來港,他說:「我媽媽喺今年3月22日發現患上末期肝癌,噚日走咗,今日我嘅心情都平伏咗,佢最放唔低係教我點樣對付個工人,始終喺父母眼中,我哋永遠都係小朋友。」

近年主力內地工作的傑仔,得知媽媽生病後,盡量減少往內地工作,當他回憶與媽媽的往事時,忍不住眼紅紅說:「我哋喺母親節嗰日,專登同醫院請假同媽咪返屋企食飯慶祝,唔知係咪食蛋白質嘅份量過高,出現肝昏迷,結果同埋二哥、朋友即刻送媽咪返醫院。」其後傑仔因返內地登台,出發前晚在媽咪的耳邊叮囑要等他回來:「嗰陣媽咪迷迷糊糊話OK,但我個心放唔低,中間有一日專登返嚟望一望。」

至於媽咪的喪禮,傑仔稱將於本月30日在香港殯儀館設靈,並跟媽媽意願選擇土葬。

魏駿傑媽媽昨天因癌病病逝,傑仔與兩位哥哥四出奔走,為亡母辦理後事。
魏駿傑媽媽昨天因癌病病逝,傑仔與兩位哥哥四出奔走,為亡母辦理後事。

魏駿傑在數月前特意在右手手臂紋上經文(小圖),祈求媽咪身體健康。
魏駿傑在數月前特意在右手手臂紋上經文(小圖),祈求媽咪身體健康。