《師父．明白了》將緊接《熟男有惑》喺八點半時段播出，跟《衝上雲宵II》同係周一(15號)首播，但牌面就強弱懸殊喇。
今日一班演員喺尖沙咀舉行「『緣』來明白了」活動宣傳，黃浩然反而有信心，佢話：「可能頭段會輸蝕，始終個卡士唔同，如果觀眾肯去睇係好睇，好簡單，唔需要耐性，教人好淺嘅道理，就係唔好執着。另外，樂曈、張國強都喺網上發功，叫人留意(套劇)。」
雖然主角黃浩然話唔擔心收視，但擔大旗揹重飛嘅黃翠如就好緊張自己表現，佢話：「我係驚，我唔想影響成個戲，希望大家睇《衝上雲宵II》，都可以睇埋我哋，我自己都想睇，希望佢哋套戲都可以帶起埋我哋。」翠如劇中更有大量感情戲與喊戲，曾經一日內喊足7至8個鐘。翠如謂《師》劇是監製陳耀全首部作品，所以監製同樣緊張，她說：「我覺得監製比我大膽，他首部作品就起用我這個新人、我都驚，不想影響到大家。」
黃浩然對收視唔執著。
翠如BB希望《衝上雲宵II》可以帶起埋佢哋套劇嘅收視。
梁麗瑩同許亦妮，睇嚟孖妹角色好啱佢哋。
樂曈妹笑得好甜！
不過下面失守…
