王君馨狂野胸壓 滕麗名對舊愛冇期望

今日一班《熟男有惑》演員，包括李思捷、郭晉安、單立文、李詩韻、王君馨及滕麗名等，喺將軍澳宣傳新劇，席間大玩成人遊戲，男演員要孭女演員做運動，女演員又要向男演員餵食提子，其中以王君馨最狂野，起跑衝前跳到單立文背後，大送波餅，事後仲笑言似玩完狂牛一樣。

滕麗名冇玩遊戲，不過近期佢又爆出已婚舊愛魏駿傑曾傳短訊要求佢復合，講到年底結婚一事，滕滕笑言：「呢刻都係交俾男友負責，我怕麻煩要搞好多嘢，總之簡單、開心、浪漫就得。」阿滕透露同未婚夫已經睇過婚紗，心情未算緊張。

咁有關魏駿傑婚後仍透過短訊求同佢復合一事，魏駿傑否認有其事，再求證時，阿滕笑言：「冇嘢啦，大家各自生活咁多年，唔好提就唔好提，佢又話唔係話我，我亦唔係話佢。」對佢失望？滕滕話：「由頭到尾冇希望過乜。」

郭晉安同敏之好熟架啦….

李思捷就爽啦….

一衝！

壓咗上去

唔肯放手？

貧僧要定一定心．．．．

敏之餵提子

拍呢套劇咁好艷福嘅？

好狼呀！

依家興大隻佬…

不過佢哋係造假嘅….

魏駿傑幾時傳短訊求復合？滕麗名:2012年

滕麗名今日隨《熟男有惑》出去宣傳，關於佢同舊魏駿傑愛嘅恩怨，話對方曾經短訊要求復合，魏駿傑今日就回應剛分手就有發訊息，對上一次係3年前，問到阿滕點睇，佢笑言：「2012都係幾年前？咁咪『玩嘢王』李思捷囉？」

阿滕直言魏駿傑要求復合，但佢一直拒絕，佢話：「我都有俾短訊未婚夫睇，就係想大家唔好懷疑。」咁佢收到短訊點回覆呢?，阿滕話：「我寫you drunk？我最鍾意唱林峯首歌，放手…放低所有。」佢又表示唔考慮要改電話，因自覺冇做錯事。

滕麗名最近同舊愛魏駿傑又爆出風波

羅蘭姐的女王風範!

今日一眾《熟男有惑》演員出去宣傳。

不過滕麗名冇玩遊戲。