由小男生變成大男人，要乜條件？
事業有成、人生歷練、感情洗禮，缺一不可。近年，羅仲謙電視劇一部接一部，電影更擔正主角，自命心態愈趨成熟，然而，包括我在內，始終認為，他跟楊怡的感情線，始是焦點。
想做大男人，兒女私情是為大忌。
少講為妙，唔想借女友之名上位，還不止，大隻騾騾當住我面發誓，他朝名成利就，必讓另一半安心做少奶奶云云。「我唔想另一半拋頭露面；「大男人有乜唔好？！」
骨子裡滿有骨氣，輸人唔輸陣。
Him Law
白色恤衫背心$6,990
淺灰色斜布長褲$4,290
both Maison Martin Margiela
Profile
Him Law
出生日期： 1984年 8月 28日（處女座）
出生地：香港
身高： 5呎 9吋
體重： 140磅
語言：廣東話、普通話及英語。
簡歷： 20歲，陪朋友往《阿嫂》試鏡，被劇組人員睇中，獲派外賣仔「小紅帽」一角，兼正式簽約星皓。 08年，開始拍劇，因 40吋胸肌被譽為「童顏巨乳」而揚名。
主要作品：電視劇《巴不得媽媽》、《飛虎》、《缺宅男女》、《 On Call 36小時》（ 12），《衝上雲霄 II》（ 13）。電影《阿嫂》（ 05），《婚前試愛》（ 10），《熱浪球愛戰》（ 11），《大鬧天宮》（ 12），《古惑仔：江湖新秩序》（ 13）。
微博：http://weibo.com/himlaw
眼仔碌碌，已甚有明星相。
少年期，白雪雪，甚具東洋味。
二人一劇定情，睇落笑容又幾有夫妻相噃！《蘋果日報》圖片
一幕半裸沖涼戲，爆肌再現。《 FACE》圖片
我有觀眾緣
Him Law
橙色短身外套$19,500
白色併淺藍色膠領恤衫$3,800
橙併藍格針織衫$8,500
淡灰色斜布長褲$5,200
黃併白色羊仔皮波鞋$4,950
all Salvatore Ferragamo
羅仲謙圍村長大，跑慣山，周身運動細胞，曾立志做消防員、救生員，志願一滴也沾不上娛樂圈。
「自細游水、打波乜都掂，考到拯溺章，最想做消防員，因為體能係我強項，最有把握。」
世事如棋局局新。身形大隻，樣子不錯，未考消防員，先應徵電影新人，雖說一心陪太子讀書，但我估當時佢自己都心大心細想入行吧？「命運好奇妙，公司話我有觀眾緣。」一簽約，健身、學唱歌、學跳舞，公司催谷，自己搏命。眼見本地電影市道仍未回穩，拍戲唔及拍劇入屋賺人氣，謙謙把心一橫，由大銀幕跳入公仔箱，從低做起，把握機會磨練自己。
「慶幸公司冇一下子俾一個好大嘅任務我去做，反而一步步栽培我；「依家，見住自己每年進步，已好有滿足感。」
外形以外，還有甚麼法寶留住觀眾？「毅力、恆心。
「我個人唔急進，好聽啲就係沉得住氣，穩穩陣陣。」誓言般說辭，字字誠懇，大男孩付出真心，你感受到嗎？
「電視台係幾好嘅入行路徑，觀眾慢慢認識自己，形象又親切；「你睇，香港咁多位影帝，邊個唔係電視台出身？有人話電視台係木人巷，我就想喺呢度練好功夫，一重一重打出去。」十八銅人大抵都預佢一份。
入行七年，新人勝舊人，難道就沒一點危機感？
「男藝人冇可能一步登天，至少十年八載至見成績，我唔介意捱；「入行前，已經有晒心理準備。」唔怕苦，目標在望，這也算是邁向大男人的第一步吧！
好想有頭家
Him Law
鮮黃色長袖外套$12,500
鮮黃色長袖薄針織衫$7,800
白色斜布長褲$4,200
all Salvatore Ferragamo
湖水藍色猄皮波鞋$4,690
Maison Martin Margiela
來自單親家庭的謙謙，從小寄居伯父家，「伯父一直冇結婚冇細路，但做人好有承擔，萬事以家族為重，好照顧我阿爸，喺佢身上，我學識男人要有責任感，要有腰骨。」小學四年班，父母離婚，「我已明白發生乜事，接受得到。」他坦言，對家庭、婚姻，一直正面，雖來自破碎家庭，家庭觀念卻比一般 80後o靓仔更重。
「自細就想自己有頭家，唯一要求，唔可以離婚！」斷估沒人隨便拿「離婚」開玩笑，這個「條件」，幾搞笑。
既然渴望有個家，何不趁早？「阿爸阿媽經歷，令我明白，結婚唔係一時衝動。
「佢哋太後生結婚，好多事未諗清楚。」
一副過來人口吻去評雙親婚姻，那麼，羅楊戀半公開，二人又有經濟能力，唔使諗啦？
「凡事三思，中一、二我已經諗，他朝結婚，等於將三頭家孭上身，一係自己父母，二係未來另一半父母，三就係我個新家庭，擔子好重。」唔話佢年少老成，可以話乜？「圍村長大，比較大男人，我要養家，唔想另一半拋頭露面。」實在太可愛了。「大男人有乜唔好？起碼有膊頭，另一半就唔會冇安全感。
「男女平等，大家睇法唔同，我同意一個講法：男與女，權利平等，唔係能力平等。」算佢均真。
「唔好俾我生女，做我個女就慘，肯定唔俾佢識男仔！出面啲男仔幾咁邪惡，你話係唔係先？！」
對於未來，他比女孩子更有憧憬，難怪堂堂視后對他死心塌地。
最鍾意望天
Him Law
白色斜布外套$4,950 Calvin Klein
白色併淺藍色膠領恤衫$3,800
白色斜布長褲$4,200
淺灰色羊仔皮波鞋（未定價）
all Salvatore Ferragamo
鮮黃色腰帶$1,990 Kenzo
大隻謙，演活陽光男孩，一身肌肉，健康膚色，點睇都屬於開朗活潑型，誰不知，佢居然自認宅男。
「我唔鍾意出街，過年過節至去旺角，頂多去埋銅鑼灣買新衫新波鞋，平日多數留喺村打波、游水。
「唔係懶，係冇乜必要周圍去。」唔止深閨，仲唔蒲唔玩，不煙不酒，係真唔係啊？「我唔鍾意煙酒，又唔擅長識女仔，怕應酬，你話玩到凌晨四、五點至返屋企，咪好辛苦？」信不信由你，你信麼？
「自細我就鍾意發呆，望窗望天，無邊無際咁諗吓生老病死等問題，好多時諗諗吓就一日。」看官你唔係真係信呀？！
單靠望天，練就一身肌肉？「十幾歲已做健身，覺得健美肌肉好好睇，成班男人潛水、踢波，至於行街，太無聊！
「入咗行，好多戶外活動都唔方便去玩，我至睇多咗電影。」入戲行，打開一片新天地，所識所見，皆新鮮。
既然以此為奮鬥基地，且先找個摹倣對象當作目標，而這個人，又係做過古惑仔大佬，「華哥任達華係我榜樣，有家庭、有事業、有名氣，全部都係我最想達到。」
外表壞壞哋，心地純純哋，男人若此，最煞食。
後記
羅仲謙初次擔正電影，做《古惑仔》陳浩南，當年，鄭伊健就憑這角色令事業再現曙光；怕被牽着鼻子走，謙謙唔敢翻看舊作，拒絕留長髮，一心創造新形象，卻被觀眾狠批新不如舊，「我已盡力。」
我望住呢位新一代小生，面對戲行，似懂非懂，強裝大人模樣，我明白，娛圈催熟，經一事長一智，惟望《衝上雲霄 II》他有好表現，大家拭目以待。
Him’s tips
Q：運動型的你，最鍾意哪種打扮？
A：易穿、合身設計，好似 Abercrombie& Fitch，最怕貼身衫，令體形原形畢露。
Q：有何護膚心得？
A：趕戲時，我習慣卸妝油、洗面膏和面膜跟身，隨時清潔敷面，既防暗瘡，上粉時，皮膚亦冇咁乾。
Shop List
Bally銅鑼灣時代廣場 301號鋪 2506 3312
Calvin Klein銅鑼灣崇光百貨 1樓 2833 8379
Kenzo尖沙咀海港城港威商場 2227號鋪 2175 4118
Maison Martin Margiela中環雪廠街 10號地下 7號鋪 2869 7707
Salvatore Ferragamo中環國際金融中心 2067-2069號鋪 2234 7388
撰文： Nicola Lai
形象：黃健華
攝影： Parry Fung
化妝： Leo@Annie G.Chan
髮型： Jan Chiu@IL COLPO
（me!週刊 第343期）