TVB真人騷《沒女大翻身》主角大起底

一年一度嘅真人騷又嚟啦!TVB星期一推出《沒女大翻身》,繼續由《盛女愛作戰》同《求愛大作戰》嘅監製岑應打骰。咁咩叫「沒女」?呢個term係內地潮語,代表:沒身材、沒樣子、沒青春、沒學歷、沒錢、沒男人。今次TVB又再結集各位偉大嘅人生導師將佢哋拉回正軌,重新尋找自我。上星期,負責節目旁白嘅Do姐鄭裕玲就爆咗呢七位「沒女」嘅身世,睇吓佢哋咩來頭!

全新真人騷《沒女大翻身》主角大曬冷

1. 大懶蟲阿怡
背景:單親媽咪
衰咩:十級懶
特徵:身形龐大、毫無建樹、一事無成。做嘢得三分鐘熱度,離婚後靠媽媽幫手湊大個仔,成日淨係識坐梳化食零食。

《沒女大翻身》大懶蟲阿怡

2. 公主癌TOBY
背景:家中女皇
衰咩:掹咗喉嘅嚴重公主病
特徵:極度野蠻,淨係識指老公做家務同湊仔,仲要老爺奶奶服侍佢,覺得嫁人係為咗享福唔使做。

《沒女大翻身》公主癌TOBY

3. 果欄殺人琼
背景:喺果欄開檔,老公唔知係咪因為覺得佢仲man過自己,所以走咗
衰咩:惡死
特徵:生人勿近,成口粗口,好豪邁,男人見到佢都會閃避。

《沒女大翻身》果欄殺人琼

4. 新香港人阿銀
背景:新移民,靠自己力爭上游
衰咩:大鄉里
特徵:以為自己好叻,但同時又知道自己唔多有「時代感」,希望可以靠節目改變自己。

《沒女大翻身》新香港人阿銀

5. 箭豬惡女阿珊
背景:個人紀錄係5分鐘就可以得罪一個唔相識嘅人
衰咩:黑面神
特徵:得罪人多,稱呼人少,專講人哋唔啱聽嘅嘢。

《沒女大翻身》箭豬惡女阿珊

6. 失戀天后阿Cat
背景:本來有樣有身材,但三年前俾仔飛咗後就好似世界末日咁,一沉不起
衰咩:自暴自棄
特徵:失戀後就工都唔做,齋係屋企喊足三年。靠阿媽養,而家變咗做大肥婆,無晒生命力。

《沒女大翻身》 失戀天后阿Cat

7. 極品MEGGIE
背景:好陰功豬,係全部參加者中最醜嘅一個
衰咩:醜
特徵:覺得自己由細醜到大,好自卑,最大希望係可以試下變靚。

《沒女大翻身》極品MEGGIE

Do姐仲爆咗,一如以往嘅真人騷,《沒女》都係有淚流滿面嘅「誓師大會」,同埋有參加者玩玩吓「潛水」退出,之後又自動浮面。而導師方面,繼續有教人扮靚嘅陳莉敏,唔知有冇「綠魔」同Santino呢啲咁爆趣嘅達人彈起呢?