（左起）江美儀、米雪、張可頤和滕麗名因拍劇而成為好朋友，閒時會出來吃飯睇戲談心。

由米雪、張可頤、滕麗名和江美儀主演的無綫劇集《女人最痛》，劇情描述這四位職場女性在工作上和生活上遇到的各種問題。以女性為題的劇集向來有吸引力，《女》劇也不例外。劇中四女各自面對女人之痛，私底下她們則是好姊妹，不時相約行街食飯睇戲，盡訴女人經。　撰文：王崇穎

俗語說四個女人一個墟，米雪、張可頤、滕麗名和江美儀在訪問當日七嘴八舌，互相介紹有甚麼東西好買，甚麼地方好行，氣氛點只一個墟。滕麗名表示拍攝劇集《女人最痛》時，彼此已十分投契，在劇中扮醜女的她說：「佢哋日日都執得好靚，每日個妝都濃過我，我哋平時都係傾吓美容、時裝同假髮，總之乜都傾得一餐，總之好多嘢都可以交流，我哋家每逢星期二都會約出街睇戲食飯。」

（左起）滕麗名、張可頤和米雪在《女人最痛》中，各自解決愛情和事業的難題。劇照

滕麗名（右）和張可頤認識多年，她大讚可頤是個有智慧的女人。

可頤有蠢一面

米雪和林嘉華劇中飾演夫妻，最後因為第三者令婚姻破裂。

向來人多是非多，女人多是非更多，但四女由拍攝到劇集播出，居然零是非零不和，連她們也覺得驚喜，向來惹是非的張可頤說：「 4、 5年冇拍 TVB劇，而且女人劇成日會傳不和，今次真係遇到好劇本同好演員，所以拍得好開心。雖然米雪姐當時發生咗少少事，但佢好有大將之風，我哋幾個女人冇不和，反而互相扶持鼓勵。如果有機會拍續集，我會好開心，唔拍續集嘅話我一樣開心，因為大家已經贏咗份友誼。」
滕麗名對三個好姊妹讚不絕口，她說：「我同 Maggie（張可頤）識咗好耐，佢個樣同我一樣都係好兇，佢係個好有智慧嘅女人，但都有蠢女人嘅一面，其實好少有咁嘅機會拍完都仲成日約出嚟，大家都好鍾意行街睇戲，而且我本身朋友唔多，呢班姊妹成日話我知要好好享受人生，一定要錫自己。」

阿滕抗拒大胸

劇中阿滕飾演醜女余漫悠需要裝大胸，身材平平的她說：「大胸真係好攰，簡直係一個阻礙，身材好唔好係要講比例，而且大胸通常都會成為取笑對象。我對自己嘅身材都好滿意，咁我肥少少都會有大胸啦。」對於劇中醜角被指抄外國劇集《俏 Betty》，她說：「真係唔係，我哋嘅造型係逐樣逐樣加嘅，雖然俾人話抄，我唔會唔開心，因為有人講先有話題。」
四女中以米雪最受尊重，米雪直言雖然未必每星期都能與她們聚會，但閒時會傳短訊，她說：「我哋唔係乜美少女又唔係 20幾歲，但我哋都好珍惜呢份友誼，因為我哋都成熟，所以先有唔同話題，先會溝通到。」米雪更大讚監製林志華懂得分配戲份，令大家不能搶對方戲，她說：「我哋唔搶都不特止，仲會幫忙同提點。」
由亞視轉戰無綫的江美儀大讚好姊妹性格爽朗不計較，她說：「今次成套劇咁多女人居然冇是非，真係一個奇蹟，仲贏咗份友誼。」江美儀飾演奸角，她表示絕不介意：「呢個角色好好，係人都會記得，唯一一樣唔好就係監製要我性感，成日着低胸衫會凍親 o架。」四女又不時催促監製開續集，更謂希望到外地拍攝，成為港版《色慾都市》。
攝影：陳志嵐
場地提供：頂好海鮮酒家

張可頤愛情最傷

張可頤笑言自己也有好勝一面，尤其是儀容，一定要保持到最靚。

張可頤在《女人最痛》中飾演女強人沙宛淇，性格強悍不服輸，談到女人的最痛，張可頤笑說：「喺生理上，女人嘅子宮唔係生仔就生瘤，上天真係好絕。至於心理方面，女人最脆弱就係面對感情，女人永遠傷痛係最深，家自己聰明咗，唔會太強求，因為感情事同其他嘢唔同，唔可以自己一個人去掌握。

坦承貪靚

劇中張可頤不易服輸，現實中的她也同樣好勝，她說：「我性格都係唔服輸嗰種，以前成日都想證明自己嘅工作能力，不過唔同年齡都會有唔同改變，家識得平衡。」不過說到底，張可頤依然有好勝一面，就是自己的儀容方面，她說：「女人一定要保持得靚，特別我哋做藝人，一個女人行出嚟一定要係最好狀態。」