「立」下眼見到呢幅圖、第一個下意識係:咦，《春嬌與志明》真係開第三集喇？

再諗深一層，唔係喎，點解第三集仲有楊冪同徐崢嘅？

再睇落啲張相……點……點……點解……楊千嬅同楊冪下半身，都有異物凸出0架？咩事呀？

唔使驚，亦唔使太開心住，《春嬌3》未拍住，依家千嬅係拍緊彭浩翔新片《曼珠莎華》(原名《香港仔》)，余文樂都有份客串。

至於呢張下體激凸照，好明顯係改圖，改自彭導同余文樂、杜汶澤新作《飛虎出征》。呢張改圖，噚日驚現喺電影公司寰亞嘅facebook專頁，有人大呼:「點解楊小姐條褲前面凸起？」、「救命呀﹗」、「好騎呢﹗」

唔知兩位楊小姐見到會嘔血先，定係兩位楊小姐嘅另一半嘔血先？又或者……丁生見到老婆咁「激凸」，會唔會既羨慕又妒忌呢？

請用一秒搵出左圖亮點。

楊千嬅同楊冪都咁「激凸」……試問堂堂男子漢，「情何以堪」？

原裝《出征》海報，歡迎對號入座，不過先旨聲明，全部裝假狗。

杜汶澤揀咗超大

歡迎自行代入…超大、極大、大、同幾大，四款size任揀。