飲到面紅紅的馬鈞怡（左），在夜店主動向猛男錫錫。

【第 38屆港姐之樂極忘形】今屆候選港姐特別愛蒲愛攬仔，繼 6號林碧珍和 4號文凱玲後， 10號馬鈞怡原來也是一名超級蒲精。有讀者向本報提供了多張馬鈞怡在夜店劈酒媾仔照片，飲到面紅紅的她，跟猛男攬實面貼面之餘，還跟猛男錫錫，表現極度豪放。

十五位準港姐昨日在印度完成最後一日外景拍攝，不過有關她們的是非依然傳個不停。昨日本報接獲讀者報料，指來自溫哥華的海外佳麗 10號馬鈞怡（ Queenie）是夜店常客。在該批讀者提供的照片中，馬鈞怡劈酒劈到面紅耳熱，對着猛男左擁右抱，又分別面貼面和錫錫，其豪放表現堪稱蒲精。

錫完一個又一個，馬鈞怡（左）咀不停。

在另一個場合中，穿上 low cut的馬鈞怡繼續咀仔。

李文煊否認玩杯葛

另一方面，眾佳麗昨日到印度孤兒院探訪，當中 15號張秀文踎下時露出股罅，成功搶鏡。而除傳內定冠軍 11號李文煊獲厚待導致有佳麗擬集體退選後，近日又傳 12號湯寶珍因獲厚待可植眼睫毛故被人杯葛，矛頭指是李文煊帶頭玩孤立。
問湯寶珍被指遭杯葛一事，她笑說：「我唔覺得，其實我嚟印度前已植咗眼睫毛，公司話可以，咁我諗住方便啲，至於大眼仔就冇戴，因為講咗係唔畀。」
李文煊否認帶頭孤立湯寶珍，她說：「我哋呢組佳麗感情幾好，我覺佢好可愛㖭！」有傳李文煊因被杯葛及壓力而落淚，她一再否認，並說：「我係有喊過，係因為拍嘢時又熱又曬，結果我 NG咗 4、 5次，加上自己廣東話又唔好，講對白有困難，我覺得自己累大家嘥時間，情急下先喊。」至於被指獲厚待戴佛鏈，李文煊表示經工作人員提點後已即時除下。
13號陳庭欣對於被監製何小慧讚她穿泳衣時狀態不錯，她笑說：「其實自己初時唔太習慣，但家 OK。」前晚眾佳麗和曾志偉一起學跳印度舞，談到有傳內定冠軍，志偉笑說：「邊有 o架，不過今年個個都好戰鬥格。」
採訪：楊潔雯
攝影：黃偉雄

若讀者知道今屆入圍港姐的底細，歡迎電郵至 mailto:adent@appledaily.com報料。

15號張秀文昨日探訪印度孤兒院時不慎洩春光。
記者黃偉雄印度傳真

11號李文煊（左）否認帶頭杯葛其他佳麗。