陳偉琪露小蠻腰 余思慧「內衣」上身 劉溫馨反寸林芷嘉

20號陳偉琪露小蠻腰 3號余思慧「內衣」上身

《2013香港小姐競選》廿位候選佳麗,今日喺將軍澳電視廣播城,接受星級導師李克勤授教。

其中20號陳偉琪着咗露臍裝搶鏡,仲露出小蠻腰添,問佢係咪對自己條腰好滿意?佢就話:「我只係覺得呢件衫好睇所以着,每日都會諗下自己着咩衫。」

相反3號余思慧就比較隨性,佢好似着住件內衣上身,余思慧解釋:「我喺美國讀書,所以會比較隨性,但係去到人多嘅地方,就會着返多少少保護自己。」隨性當然唔係問題,但今日見星級導師,現場又有傳媒,着到咁就真係有啲怪囉!

《2013香港小姐競選》(左)3號余思慧好似着住「內衣」咁,佢解釋係因為為人隨性。(右)20號陳偉琪就露腰搶鏡
(左)3號余思慧好似着住「內衣」咁,佢解釋係因為為人隨性。(右)20號陳偉琪就露腰搶鏡。

《2013香港小姐競選》余思慧
余思慧披住外套都冇乜事…

《2013香港小姐競選》余思慧
點知一出外套就….

《2013香港小姐競選》陳偉琪
陳偉琪條腰真係幾幼。

《2013香港小姐競選》余思慧﹑劉溫馨及陳偉琪
余思慧﹑劉溫馨及陳偉琪

被爆愛着A貨 劉溫馨否認:本身唔着名牌

今屆港姐選舉同過往幾屆一樣,由面試到入選,都已經是非不絕,當中「飛釘千雪」9號劉溫馨啲是非,應該屬三甲之列。

近日劉溫馨又有是非啦,事緣已落選嘅「栢芝奶媽」林芷嘉,就爆劉溫馨成日着A貨,劉溫馨同其他候選港姐,今日見星級導師李克勤時,就親身解畫:「我都唔著A貨,同埋我都唔識佢,完全唔知發生咩事,我本身都唔著名牌,所以唔會有A貨B貨,香港小姐係唔會貪慕虛榮。」

問到對方係咪妒忌自己美貌,劉溫馨就話:「可能佢真係妒忌,人靚着咩衫都靚!」

《2013香港小姐競選》「飛釘千雪」劉溫馨
「飛釘千雪」劉溫馨塊面仲係油光滿面。

《2013香港小姐競選》劉溫馨
劉溫馨由面試至今,是非不絕。

《2013香港小姐競選》李克勤同應屆候選港姐大合照
李克勤同應屆候選港姐大合照。

《2013香港小姐競選》蔡思貝
蔡思貝今日着得麻麻哋。

《2013香港小姐競選》
唔知傾乜呢?