「栢芝奶媽」冇影 劉溫馨滿臉油光

2013年香港小姐經過首輪面試及複試後，選出20位準港姐，佢哋明日就正式會見傳媒，今午20位準港姐返將軍澳電視廣播城gathering，兼且公佈佢哋中英文名。眾候選佳麗約下午一時，抵達調景嶺集合上車，不過今日天氣酷熱，架車又未到，部份佳麗就走入商場內涼冷氣，十分識嘆。未知係咪無綫已下「封口令」，大部份佳麗都沒有回答記者提問。

今屆港姐未正式埋牙已經是非多多，屢遭起底。好似「栢芝奶媽」林芷嘉是非不絕，除被質疑眼鼻面胸都整過容外，又被爆爛蒲情史，更流出唔少攬仔照，結果林芷嘉今日冇咗影喇；而有「大眼超蓮」之稱嘅模特兒徐艷薇（Jenny），喺複試時亦離奇冇影，不過日前佢就出席一個配飾品牌；至於另一位空姐Rika Lau，就被指係小三，最後佢都係退選收場。

走下一個﹑走下又一個，大熱嗰幾位都所剩無幾喇﹗好彩仍然有幾位比較省鏡嘅入圍，好似「飛釘千雪」劉溫馨仍順利入圍，佢喺20位準港姐之中，身材同樣貌都具睇頭，豐腴上圍依然Big爆，但遺憾滿臉油光，睇嚟佢真係要護理下啲皮膚先得；

另一位「黑bra千語」Sisley（蔡思貝）亦入圍，但佢身打扮真係要大執，因為畀人感覺似細路女扮大人咁；而「黑珍珠」Tammy（歐陽巧瑩）喺複試時谷胸上陣，今日雖然封胸，但就以露背裝搶鏡，認真透心涼；而Grace（陳凱琳）亦充滿自信，愈戰愈勇。

（左起）「飛釘千雪」劉溫馨﹑歐陽巧瑩及陳凱琳都順利入圍。

「飛釘千雪」劉溫馨身材驕人，但面上油光就頗為嚇人。

Grace愈戰愈勇。

「黑bra千語」要執一執造型。

黑珍珠Tammy前面密實…

但玉背就透心涼，幾sexy啵﹗

邊個靚？

Grace幾醒目，臨上車時都識望鏡頭展笑容。

準港姐鬥「驚」艷 海外佳麗勁跌Watt

呢位就係Summer Ng喇﹗佢露背又露Bra兼送咗撻印，邊個夠佢嚟？

今屆港姐，經過兩輪面試後，一眾成功入圍嘅佳麗，明日就會會見傳媒。

不過，今日佢哋就先喺TVB嚟個簡單聚會，可能佳麗們唔知今日會有記者在場，個個都滿面油光，部份打扮都幾充滿「驚」喜﹗

有幾位佳麗更加疑似素顏上陣，喺鏡頭之下出嚟個樣，確實係差咗少少喇，其中洋名叫Summer嘅吳瑋雯，面容冇乜光澤得嚟，但又着條低胸大露背藍色長裙，不過佢背脊就露埋透明Bra帶不特止，仲要有「撻」印0架！

另外，過往幾屆嘅海外佳麗質素都較理想，不過觀乎今屆三位海外參賽者Michelle Liem（林伊麗）、Karen Leung（梁家欣）同Natalie Siu（蕭穎詩），就真係遜色咗啲囉…

睇嚟，眾佳麗真係要花多啲時間再執執個look先得喇﹗

步出一刻…幾有自信

焦點不在左邊的「飛釘千雪」，而係…

藍裙素顏Summer Ng….

露背，但有印嘅…

Whitney，唔係《求愛》嗰個呀！

Natalie（右）係海外佳麗之一

海外佳麗Karen啲牙…

海外住麗too， Michelle有健康美，但又好黑實…

(爛gag Mode) 兩個都係叫Summer，點解差咁遠？

準港姐齊封口 陳靜師妹唔認有性感照

陳靜師妹劉佩玥洋名唔係叫Moonie，係叫Moon，佢主動澄清嘅。

2013年香港小姐將於聽日先正式會見傳媒，而熱門佳麗「飛釘千語」劉溫馨、陳靜師妹Moon（前名Moonie）、「黑bra千語」Sisley（蔡思貝）等，都順利入圍。

眾候選佳麗今午一點喺調景嶺集合上車，雖然佢哋笑容滿面，但唔知係咪無綫已下「封口令」，都冇回答記者提問，只有着住黃色連身裙嘅Kendy（張敬仁）有問必答。

問佢返電視城有乜嘢活動？佢就話唔清楚，亦未知會唔會見到無綫高層樂易玲，咁係咪要訓練？Kendy答：「應該未開始，我哋都唔係好清楚，schedule晏啲先知，內容唔知。」

另外，身為陳靜嘅師妹劉佩玥（Moon）亦順利入選，當佢抵達電視城後，期間去洗手間，佢就忽然主動向現場記者澄清：「其實我唔係叫Moonie，我叫Moon呀。」之前有指佢將性感照放喺互聯網，Moon只係話：「張相唔係我本人，係個鬼妹，我冇影過呢啲性感相。」

記住佢係叫Moon呀﹗

呢位係Kendy，佢好合作，對記者有問必答。

Kendy話TVB叫佢哋今日着靚啲。

阿Moon全程孖住海外佳麗Michelle。

Moon真係好識搶鏡。

連步伐亦一致。

Kendy都係靚女一名~

中間一樣係著黃裙嘅，叫Cherry，有啲似樂瞳喎。