《2013香港小姐競選》外景出發 羅紫君爆瘡 謝海珊去潮州 張敬仁飛巴黎

2號羅紫君爆瘡 否認收錢做私影妹

20位《2013香港小姐競選》候選佳麗,今日齊集電視城舉行外景拜神儀式,當中6號劉佩玥、8號謝海珊及17號陳凱琳,因宗教信仰而冇參與拜神。由於儀式喺戶外舉行,加上天氣酷熱,眾佳麗熱到連妝溶埋,甚為狼狽。

無綫今年安排佳麗抽籤,分成八組出外拍攝外景,今晚已經有港姐跟攝製隊出發。

2號候港佳麗羅紫君,被發現面上生粒粒,近鏡睇頗為嚇人,佢將於23日出發前往首爾,講到皮膚爆粒粒,佢解釋因為感冒而令皮膚差咗。

對於有讀者爆料話佢曾經做「私影妹」,佢最初強調自己冇做過,只係中學時免費為攝影師朋友做模特兒,再問到佢係咪得罪人畀人爆大鑊?佢竟然話:「自己心情放鬆啲,可能未必係真,應該唔係真。」追問點解突然又唔肯定,佢話:「我應該係冇,因為我未睇過單新聞,收錢影相我真係冇。」

《2013香港小姐競選》2號羅紫君
2號羅紫君塊面……

《2013香港小姐競選》2號羅紫君
遠睇唔錯,但只限遠睇!

《2013香港小姐競選》2號羅紫君
2號羅紫君(右)否認收錢做私影妹。

《2013香港小姐競選》佳麗們
今日好熱,佳麗們要不停抹汗。

《2013香港小姐競選》佳麗

《2013香港小姐競選》5號朱智賢
5號朱智賢,拜神時唔小心辣親!

8號謝海珊去潮州 反而好開心

《2013香港小姐競選》20位佳麗今日喺電視城舉行外景拜神儀式,8號嘅謝海珊因奉信天主教所以就冇拜神,講到嚟緊佢會去潮州拍外景,佢話:「唔覺得唔開心,其他地方都去過,好似巴黎咁,加上自己喺外國返,好少機會遊亞洲。」

佢仲話:「潮州、北京都想去睇吓,亦唔擔心內地人對佢唔禮貌,自己以禮對待人就得。」

《2013香港小姐競選》8號謝海珊
8號謝海珊去潮州。

《2013香港小姐競選》8號謝海珊(左)、2號羅紫君
8號謝海珊(左)、2號羅紫君。

《2013香港小姐競選》
靚嘛?

《2013香港小姐競選》
索嘛?

《2013香港小姐競選》20位佳麗
20位佳麗大合照。

三佳麗飛巴黎拍外景 1號張敬仁冇時間血拼

候選港姐1號張敬仁、11號吳瑋雯、17陳凱琳,今晚八時起程往巴黎拍外景,其他17佳麗都有嚟送機,此行佢三個喺巴黎逗留六日,三位佳麗都自備晒衫褲鞋同化妝品。1號張敬仁話因為要自己化妝整頭,而之前兩星期已接受化妝訓練。

問到有冇帶夠錢去血拼?11號吳瑋雯話有換定錢諗住買嘢食,咁會唔會買名牌呢?張敬仁就話唔會,因為行程緊密應該冇乜時間,講到佢哋三個好好運有得去巴黎拍外景,吳瑋雯話大家都差唔多,個個地方都有佢優點。

17陳凱琳就透露今次係自選外景地點,所以事前睇定資料,不過揀邊個地點拍,佢就話要守秘密唔講喎。

《2013香港小姐競選》(左起)張敬仁﹑吳瑋雯及陳凱琳
(左起)張敬仁﹑吳瑋雯及陳凱琳今晚出發到巴黎拍外景,張敬仁話冇時間血拼。

《2013香港小姐競選》(左起)張敬仁﹑吳瑋雯及陳凱琳
拍攝順利呀。

《2013香港小姐競選》20位佳麗大合照
20位佳麗喺機場大合照。

佳麗:張敬仁、羅紫君、余思慧、李曉東、朱智賢、劉佩玥、沈桂澄、謝海珊、劉溫馨、林伊麗、吳瑋雯、梁家欣、歐陽巧瑩、林思韻、蔡思貝、徐韶蓓、陳凱琳、張雪瑩、蕭穎詩、陳偉琪