林峯今午同一班應屆港姐喺中環出席六福珠寶全新「愛很美」電視廣告首播活動，仲代表贊助商頒咗個「最佳愛很美演繹佳麗」獎比10號林伊麗。

大會安排咗位小朋友同峯峯一齊上台，峯峯仲父性大發對妹妹又抱又錫，仲講到明話第時生咗個女，一定會縱佢呀，不過問佢有冇計劃同千語BB結婚生B時，佢就死口都唔肯講，仲將話題拉到去贊助商到，扯到去大西洋咁遠。

另外，成班港姐今日出場時，每人講嘢都係講得分零鐘，仲因為珠寶贊助商而圍繞「愛」嘅主題發言，10號林伊麗就憑佳麗互選得獎，佢話自己信心會大咗少少，但係仲有進步空間喎。

另外15號嘅蔡思貝上台分享時緊張到甩哂咀，佢話因為其他佳麗講得太感人，令水瓶座嘅自己太感觸喎。

林峯見到小妹妹即父性大發，又抱又錫，認真sweet﹗

司儀林盛斌今日冇扮極口重味新娘，順眼得多了。

林峯頒獎畀10號林伊麗。

林峯笑得好開心。

深情對望

小妹妹好靚女

yeah﹗

林峯同20位準港姐合照。

港姐20號陳偉琪 「自爆」係雙性戀？

20位應屆候選港姐下晝同林峯一齊出席贊助商活動，頭先都講過10號林伊麗攞到個「獎」喇。

但係最特別係20號陳偉琪嘅微博上面，自己嘅性向竟然係雙性戀。

陳偉琪回應就話自己set錯咗，之前仲連性別都set錯做男性，佢解釋話有朋友通知佢set錯性別，所以見到個粉紅色嘅option就揀，可能咁所以令大家有誤會喎。

咁就奇喇，改性別會變咗做改性向嘅咩？

準港姐20號陳偉琪性向係「雙性戀」？

20位佳麗大合照，前排半蹲嘅佳麗辛苦嘛？

佳麗們同司儀林盛斌合照。

（左起）林伊麗﹑蔡思貝及陳偉琪。

邊位佳麗露打底衫？

點解劉溫馨（右）好似越來越跌watt？