繼昨日廿位候選佳麗舉行「陸上擂台」之後，今日就舉行「水上擂台」，比拼游泳技術，大會還邀請到「香港女飛魚」蔡曉慧親臨向眾佳麗教授游泳技巧及帶領眾佳麗一齊熱身，並且擔任頒獎嘉賓。當中參與游泳比賽的十位候選佳麗包括：3號余思慧、7號沈桂澄、9號劉溫馨、10號林伊麗、11號吳瑋雯、13號歐陽巧瑩、14號林思韻、15號蔡思貝、17號陳凱琳及19號蕭穎詩，至於其他佳麗則在池邊為同伴打氣！

比賽分成五組進行，最後由曾經是學界游泳健將的3號余思慧以33″18勝出成為冠軍，而15號蔡思貝亦以37″90勝出，繼「陸上擂台」再成為亞軍得主，至於季軍就由僅以1秒多之差的13號歐陽巧瑩以38″62奪得，三位佳麗表示平日亦有游泳，難怪表現狀態大勇！明日大會將會舉行「友誼小姐互選」活動，想知誰是候選佳麗中的友誼小姐，就要繼續留意2013香港小姐競選最新動向！

林思韻負荷太大游尾二 劉溫馨「導彈」消失

「2013香港小姐競選」準決賽將於周日晚舉行，連日來班佳麗頻頻曝光。依家參選港姐都幾辛苦，出去拍外景要自己搞掂化妝﹑髮型及服飾，又要着性感運動服鬥體能，兼要進行辯論比賽鬥口才，到今日呢班佳麗仲鬥埋游水添，真係忙到呢﹗

20位準港姐今日獲安排喺一間酒店泳池進行游水前哨戰，不過唔係每位佳麗都敢應戰，當中有一半佳麗因唔熟水性，索性企喺池邊做啦啦隊。

而肯游水嘅佳麗好多都係游自由式及蛙式，只有17號陳凱琳以及19號蕭穎詩，來回只係游自由式及背泳，每一下背泳英姿都能「凸顯」美好身段。

係咪乘機搶鏡先？陳凱琳就否認，佢解釋自己唔夠氣，所以先用自由式，返嚟時再游背泳。

至於有34.5吋上圍嘅14號林思韻就游尾二，游出時間為1分02秒43成績，問到係咪上圍負荷太大，所以影響發揮？佢笑言﹕「都會影響表現，唔係（胸部太大的話）應快五秒啦！」

最後由喺參加過學界游水比賽及喺美國練過兩年水嘅3號余思慧，以33秒18奪冠。

另外，港姐面試初期奇「峰」突出嘅9號劉溫馨，繼續跌Watt，今日佢着住大會安排嘅三點式泳衣，上圍好似縮咗水，咁之前係咪加墊「裝假狗」？劉溫馨否認裝假狗，只係話自己背脊薄。

最後由3號余思慧（後排中）奪冠。

佳麗同女飛魚蔡曉慧（前排中）合照。

班港姐游水前先熱身

wow…

其實20號陳偉琪（後排右）都有34.5吋上圍，不過佢冇落水。

林思韻雖然游尾二，不過佢搶盡「峰」頭。

15號蔡思貝咁開心？

冇落水的佳麗變晒啦啦隊。

17號陳凱琳身材平平無奇。

林思韻上水一刻。

呢兩位佳麗游背泳。

又係林思韻呀

歐陽巧瑩劉佩玥齊遭爆料 唔怕公審

每年港姐都搞搞新意思，今年都唔例外，有指今屆港姐會增添大公審環節，並由「星級選民」曾志偉、鄭裕玲、陳百祥同李克勤，輪流問佳麗是非新聞。

今屆港姐繼續是非不絕，尤其係13號「黑色乳牛」歐陽巧瑩，繼攬仔﹑食煙﹑借貸﹑整容及13歲失身後，又再被爆料，指佢鍾意扮TB追女仔，話佢疑似雙性戀喎，歐陽巧瑩承認去化妝舞會時扮過男仔，佢話：「我做嘅又唔係咩壞事，我份人頂天立地，對得住天地良心。」咁怕唔怕公審環節呢？歐陽巧瑩定話好期待：「我好期待大公審環節，等觀眾睇到我真正感覺。」

另外，6號劉佩玥亦被爆料，指佢就讀沙田呂明才中學時，經常恃靚橫行，向其他同學蝦蝦霸霸，又指佢喺大學時嗲男同學幫手做功課，劉佩玥承認就讀該校，又話自己唔講粗口，就連衝口而出都未試過；佢又話自己平時為人友善，唔會蝦蝦霸霸，咁擔唔擔心被公審？佢淡定話：「清者自清，自己冇做過。」

13號歐陽巧瑩及6號劉佩玥（右）齊遭爆料。

歐陽巧瑩熱身時冇乜心機喎。

吳瑋雯及歐陽巧瑩