羅鈞滿維基遭惡搞「慘死」 姜文杰承認同羅鈞滿割蓆

前日羅鈞滿喺fb上,就發牌事件陳述個人立場,佢話:「作為電視業一員,當然希望電視業百花齊放。但是請王先生勿將自己商業失敗跟社會公義拉上關係。」又表示:「王維基先生絕對不負責任和應負全責。」、「為甚麼批就公義唔批就唔公義?他成功利用群眾煽情想迫政府就犯,但他當初行這一步時有想過相信他的員工的後果嗎?」咁又係,陳明個人立場,大家理應尊重,接納不同意見。畢竟,香港仲未退化到「一言堂」境地,亦雖然,事後羅鈞滿「自圓其說」謂,大家誤解咗佢一番言論。

不過,今日一上維基,係維基WiKi,唔係王維基,嚇一跳,點解……羅鈞滿會死咗0架?而佢「被死亡」日期,係2013年10月17日;而佢發po嗰日,係2013年10月16日。未知是否因為有人睇完報道之後,手多上維基改資料,幫羅鈞滿KO咗佢嘅生命,寫道:「2013年10月17日,在電視城x高層鞋底時毒發身亡,終年29歲。」個「x」字,呢度恕不顯示。就連羅鈞滿個暱稱Moon及中文名,都被改為某種動物名稱。至於個人生活一欄,最初係改為魯芬,後來變成馬蹄露,即係早前被網民爆料,指經常在大埔寓所附近送食物俾公公婆婆嘅好心人。

正所謂禍不及妻兒,亦禍不及維基。維基話晒都係「公共空間」,而且豈可因為個人不滿私怨而亂咁改?更離譜就係人身攻擊。幸好0依家已經改正番喇。

而羅鈞滿今日返將軍澳電視城開工,對被網民惡搞維基百科,佢重申係支持政府交代不發牌原因,但承認事件令阿爸擔心,佢話﹕「爸爸擔心會影響我工作。」係咪想平息件事?佢話﹕「真係唔想講太多,傳媒問我就回答大家,可能近期網民對政府有太多怨氣,而家發洩咗係我身上,犧牲少少我ok。由始至終我都唔係咁用意,希望畀我重新嘅機會。」對於被惡搞已故,他直言感到錯愕,並引用有份演出的劇集《天與地》金句:「和諧並非100個人講一樣嘢,而係100個人講唔同o既嘢,都互相尊重」,直指網友這次未能體會這精神,他又表示網友其實誤會了其意思:「大家以為我唔支持政府發牌,點會呢?我一定想電視業好,多啲牌有更多良性競爭。如果話我擦鞋,冇必要咁做,不如狂讚公司啦!(點平息網民怒氣?)其實想就咁算,唔想解釋太多。」

提到香港電視的姜文杰感不滿,取消了對他在微博的關注,羅鈞滿表示兩人不認識,但希望透過共同朋友鄭俊弘講句好說話,相信對方會明白只是誤會。

【禍不及維基】羅鈞滿遭惡搞「慘死」話:犧牲少少我ok
今日羅鈞滿喺維基嘅資料忽然俾人惡意亂改,羞恥還不突止,仲要咒人「已故」。
羅鈞滿
中英文名都幫人改埋,真夠無聊。
羅鈞滿

姜文杰承認同羅鈞滿割蓆

羅鈞滿講話惹評擊,香港電視藝人姜文杰之後曾post相喺微博,圖中現實他取消關注羅鈞滿,被問外傳二人割蓆,佢話:「都係,喺相上有少少呢啲感覺,試過去理解佢角度,但有時講咗,或者會漠視咗其他努力嘅嘢,或者你睇到係成件事嘅30%,另外70%你唔係喺呢間公司感受,或者唔夠一定嘅知識、社會責任感時,會誤解咗王生係跣咗咁多員工嘅人。」