陳豪今晚拖大肚老婆陳茵媺，現身中環文華東方酒店50周年紀念活動，兩公婆十指緊扣，表現恩愛。

講到有報道指陳豪有意要陳茵媺退出，要佢專心湊BB，陳豪聞言表示：「我係佢粉絲，唔拍戲係損失。都係BB出咗世之後，媽咪都會掛住細路仔，到時自己搵個平衡線，我都希望佢拍番劇。」

而大肚茵媺身穿中門大開晚裝，要做個美麗孕婦，佢話：「拍戲係我dream & passion，希望我係別人眼中嘅好演員，但又唔可以缺乏家庭生活。」問到她肚裡的BB有否踢她？她說：「唔係踢，有郁動囉，係跳舞嗰種。（喺咩情況下最活躍？）食早餐嗰時就最活躍。（有冇胎教？）有傾吓偈同講ABC。（有冇幫個胎影4D相？）冇喎，我想好自然同好驚喜，等佢揀個特別時間見我哋，到時知佢真樣同似邊個，所以我選擇順產。」

對於有傳自組新公司，陳豪未有明確表示：「未有定案，TVB係我優先考慮。」而問到有傳他們兩夫妻以天價50萬出席活動，他回應：「唔係睇錢，唔好咁講。我係呢間酒店o既fans，我哋兩個好少一齊出嚟。能夠出席呢個大型活動，自己都好想嚟，見吓世面，大開眼界。（BB腳頭好？）係呀，好好呀！」

提到早前陳茵媺於訪問中提到陳豪很遷就她，陳豪笑言：「梗係啦！（第時你煮飯畀佢食？）會呀，我煮飯好叻。我係煮飯佬，沖咖啡都好叻！」

陳豪陳茵媺好sweet x1

陳豪陳茵媺好sweet x2

陳豪陳茵媺好sweet x3

陳豪陳茵媺好sweet x4

陳豪陳茵媺好sweet x5

陳豪陳茵媺好sweet x6

陳豪自稱係茵媺枌絲，唔拍戲係損失。

陳茵媺話拍戲係佢嘅dream