被視為城中筍盤嘅陳豪，大前日正式封盤，42歲嘅佢同32歲嘅陳茵媺喺香港時間前日在法國巴黎拉埋天窗，攜手邁向人生另一旅程，盛傳雙陳今次是奉子成婚，雙喜臨門，不過陳氏伉儷結婚後第三日便要分開，陳豪要趕返香港工作賺奶粉錢，陳茵媺則返回加拿大安胎。

一對新婚夫婦今日甜蜜手拖手現身巴黎機場，穿平底鞋嘅茵媺孕味十足，著起鬆身衫遮肚，右手亦換上簡約婚戒。雖然二人未肯跟傳媒多講新婚感受，但見二人全程笑到四萬咁口，幸福早已盡在不言中。