陳法拉默認同薛世恆分手 不忿被指貪錢

新婚不久的陳豪,返港後密密工作賺錢,今天與久沒露面的陳法拉,一同出席護膚品牌活動,穿上白色背心裙的陳法拉,為免走光早已在胸前膠紙,可惜於拍照時失手露胸前膠紙及隱形胸罩邊,至於有「警鐘胸」稱號的女模JESSICA C,今天穿上吊帶裙谷胸示人。

提到與新婚妻子陳茵媺分隔兩地,陳豪表示兩個月也會留港工作,不過也甜笑指太太身體一切安好,問到腹中寶寶性別, 陳豪坦言也想知道,不論男女也喜歡。陳豪還透露最近發生很多事,故開咖啡店大計要延遲,但希望可盡快完成開店心願。

被指於網上寫下疑似跟男友感情出問題的微博留言,惹來分手揣測的陳法拉,表示留言只是在看畢電影和書本的感愛,可以代入任何東西,自己跟男友有共識,這些事情都會低調處理,現在生活開心,希望大家給予兩人空間。

【陳法拉甩闊少】默認情變:俾啲空間我哋自己處理

陳法拉同拍拖多年嘅男友薛世恒,之前曾傳出情變,有指法拉要求男方打本開經理人公司,等法拉可以自己做埋經理人,兼且開戲開劇、力捧自己之餘甚至可以捧起新人。惟大少薛世恒被指遭老父閂水喉,開公司心願落空,更有指兩人為此炒大鑊,而法拉亦已搬離愛巢,出入就連薛家七人車都冇,只能坐的士。但因女主角一直喺美國,所以未有回應。

直到今日下午,法拉同陳豪喺中環出席護膚產品活動,法拉首度開腔,言談間默認分手一事。佢話:「今年有好多大變化,以前我係個好直嘅人,所以只有黑同白,但依家會識企喺中間位,去睇每件事。」

問到變化嘅是否包括感情?法拉保持笑容話:「知道有雜誌報道,但因為自己當時身在美國,所以冇回應。我都有即時打俾薛生(薛世恒),大家商量過,我哋對感情事都有共識。佢唔係呢一行嘅人,呢方面我哋好一致,唔想俾感情影響到工作,亦唔想工作影響到感情。」

法拉續說:「今日都有諗過回唔回應,但佢(指薛世恒)話唔需要,呢啲喺我哋自己嘅事,俾啲私人空間我哋自己處理。」

陳法拉默認情變
十指光脫脫嘅法拉,今日首度開腔,默認情變。
陳法拉默認情變
一個新婚,一個甩拖…現實就是如此諷刺。
陳法拉默認情變
「以前我係個好直嘅人,所以只有黑同白,但依家會識企喺中間位,去睇每件事。」

不忿被指貪錢:唔好強姦我嘅價值觀

今日陳法拉現身中環出席護膚產品活動,十指光脫脫滑溜溜,已經冇戴年初同Neway大少薛世恒出埠時、展示嘅疑似婚戒。但見法拉精神唔錯,泰然自若,受訪時一直保持笑容,果然EQ極高。

受訪時,法拉表示「今年有好多大變化」,亦未有否認情變一事。但當問到是否「不否認單身」?法拉就話,知道大家關心佢,但唔想講太多:「好多朋友都打嚟問,我想話俾大家知,我依家好開心。」又謂呢幾個月最大變化,係更加清晰自己嘅路要點行。「我覺得我可以用『好幸福』形容我依家嘅狀態。」

問法拉依家是否算是一個新開始?佢就答:「都算係0架,我覺得所有嘢要keep住去學習,去進步。」問道是否因為依家每樣嘢要自己決定,所以更加鎮重行每步路?法拉就表示唔可以咁講,因為身邊仲有好多人願意予以提點。

話題講講吓,法拉又兜番去之前報道講佢要老公掟千萬開公司捧自己、結果薛老爺閂水喉一事,法拉謂:「我睇完篇報道,都覺得,好多嘢唔係事實:「祥仔噚日都答咗,依家開公司唔使錢,印張卡士,商業登記幾廿蚊就得喇。好多嘢都唔係事實。」

訪問尾聲嗰陣,法拉又爆金句話,該報道強姦佢嘅價值觀:「有啲雜誌好鍾意將一啲價值觀強擺喺一啲女藝人身上,我覺得每個人都有佢嘅自由選擇自己嘅價值觀。我覺得唔好為咗賣書,而作一啲故仔,強姦我嘅價值觀。每個人都有自己理想。」

其實言下之意,法拉即係講到明,唔喜歡某啲報道將佢嘅「理想」,同錢掛鉤:「即係……總係將女仔嘅工作同錢掛鉤,我覺得咁樣讀者睇完,印象都唔係幾好。事實上我識好多女藝人,好多人都好努力做佢哋鍾意做嘅事,咁我都係,所以無論我感情生活、經濟狀況係點,我都會百分百好努力咁做落去!」

陳法拉甩闊少薛世恒

「雙失法拉」主動提分手

整個訪問中,被指係「雙失」(失戀失靠山)嘅法拉,一直笑笑口,回應亦得體,似是密不透風,仲話自依家好幸福。

但一問到依家點形容佢同薛世恒嘅關係?法拉就話:「朋友,好良好嘅關係……因為兩個人相處,好難三言兩語去釐清兩個人咁多年嚟嘅關係,特別係一段咁長嘅感情。我覺得兩個人真心去相處過,我唔忍心由我把口去釐清佢、去俾個定義佢,亦都希望低調同俾番啲私隱自己。」

記者續問到是否由法拉提出分手?佢即攤攤手,笑笑口:「我冇咁講過喎,我冇講過喎,哈哈。」至於係咪怕由佢講出口hurt到薛世恒?法拉就話唔想多講唔答。


記者一問到法拉,是否由女方提出分手先,法拉即笑唔停。(DV截圖)


陳豪今日…隱咗形。