準爸爸陳豪明日就飛加拿大，會合懷孕太太陳茵媺補擺喜酒。

今日陳豪現身荃灣出席活動，幸福滿瀉嘅佢貫徹低調作風，對擺酒一事不願多談，問佢幾時出發，陳豪只肯講：「差唔多時間出發，私人事想保持低調。」佢亦拒談有乜嘢儀式，咁會唔會有斟茶同接新娘？陳豪話同太太係傳統嘅人，會做應該做的事。

陳豪表示今次主要邀請親戚，稍後再返港逐一同好友食飯，咁茵媺會唔會返港？佢就話：「佢遲啲會返嚟，暫時未決定喺邊度生，仲有時間。」陳豪又指太太身體狀況非常好。

陳豪快將為人父，心情緊張嘛？佢話：「未知，近日開始對小朋友同父親抱一個好奇心，我唔知乜嘢感覺，好想知。」

準爸爸陳豪，個樣開心到呢！

陳豪對擺酒一事保持低調。

佢話太太身體狀況好好。