陳豪甜笑回應陳茵媺懷孕:到時就知

陳豪開腔回應「喜訊」 不停標汗

陳豪同陳茵媺(Aimee)呢排屢傳好事近,有報道甚至話Aimee「有餡」,所以要急飛返加拿大安胎,所以辭演無綫新劇《寒山潛龍》,亦有傳陳豪日前曾到訪加國提親,不過陳豪就透過WhatsApp否認女友大肚。

今日陳豪同苟芸慧現身銅鑼灣,出席牙膏產品活動時,陳豪終於首度開腔解畫,全程春風滿面兼笑唔停,陳豪經理人就講明,傳媒一次過做訪問,陳豪受訪期間雖然笑晒口,但因為人多而且天氣熱,搞到佢油光滿臉,而且邊講嘢邊標汗,無啦啦變咗「汗人」,要用紙巾不停拭汗。

陳豪甜笑回應陳茵媺懷孕
陳豪一講喜訊時,就不停標汗喇!

陳豪甜笑回應陳茵媺懷孕
苟芸慧(左)今日風頭被陳豪搶晒。

陳豪甜笑回應陳茵媺懷孕
笑到四萬咁口…

陳豪甜笑回應陳茵媺懷孕
一抹…

陳豪甜笑回應陳茵媺懷孕
再抹…

陳豪甜笑回應陳茵媺懷孕
人山人海呀!

陳茵媺順產? 陳豪漏口風:唔識答你喎!

陳豪女友陳茵媺(Aimee)早前急急離港返回加拿大,更盛傳女方「有餡」,亦有指陳豪曾到訪加國提親,令喜事更加言之鑿鑿。

陳豪今日出席活動時,首度開腔解畫,佢全程笑笑口,一次過接受媒體訪問,期間陳豪冇否認「喜事」,佢亦樂意接受大家祝福。雖然陳豪避談女友係咪有餡,但佢樂於回應記者提問,更多次講明「有好消息會向大家公布,比啲耐性我。」

陳:陳豪 記:記者

記:有冇買補品畀Aimee補身?
陳:(笑笑口)你哋唔好裝我啦。

記:係咪已經準備好做爸爸?
陳:到嗰時先知。

記:到底鍾意仔定女呢?
陳:我鍾意有好消息先話畀大家知。

記:有報道話Aimee順產喎?
陳:(露玄機)唔識答你喎。

不過陳豪對女友真係好貼心,佢有意計劃開舖頭畀女友做老闆娘,但就話:「佢唔會辛苦,我做得喇。」

見到陳豪春風滿面,佢風騷即拋金句:「冇,你哋興奮令我開心,你哋對我祝福全部收到,你哋嘅心急我亦feel到。」

此外,有報道話Aimee返加急探病母,不過陳豪就代女友澄清,仲話Aimee媽媽身體安好,並唔係傳聞所講生病,至於Aimee目前仍然身在加國。


苟芸慧同陳豪今日出席牙膏產品活動。


陳豪話Aimee媽咪身體好好。


陳豪深受女性歡迎。


又抹汗啦!


繼續抹!

苟姑娘樂做陳茵媺「姊妹」:一定兩脇插刀

苟芸慧(苟姑娘)又出席活動啦!今日佢同陳豪齊齊出席活動,陳豪被追問同女友陳茵媺(Aimee)喜事,風頭蓋過苟姑娘。咁啱苟姑娘同Aimee份屬好姊妹,問到有冇恭喜陳豪同Aimee喜事近時,苟姑娘笑言:「我未收到通知喎!如果係真當然會祝福,不過我向來唔八卦,冇問對方嘅私人嘢。」

咁有冇同Aimee聯絡?苟姑娘就話近日自己工作比較忙,所以好少聯絡Aimee,苟姑娘笑笑口話:「如果佢Ask我做姊妹,我一定兩脇插刀。」

講完人哋感情生活,又講下自己啦﹗自從同郭富城爆緋聞後,苟姑娘工作量確係多咗,不過感情生活就一片空白,問到幾時先搵到Mr.Right?苟姑娘坦言仲未搵到,而佢希望對方係個圈外人。

咁郭富城係咪心目中Mr.Right?苟姑娘話:「冇乜機會認識佢,人與人之間要相處。」對於熊黛林話城城冇時間陪佢,係分手原因之一,苟姑娘使唔使另一半經常陪住?苟姑娘坦言:「我自己又ok喎!女仔都需要自己空間,結婚以老公為先,老公想我陪咪相夫教子囉,又唔好黐太實。」