陳法拉從選美晉身娛樂圈，由專演姣精蛻變成精靈女主角，所走的路平穩順暢，難怪她也自認是個幸運兒。
攝影：葉君海
髮型： Ling of PRIVATE i

陳法拉自從 2005年參加國際華裔小姐入行以來，由專演發姣狐狸精的壞女人，到如今拍新劇《蒲松齡》擔正扮可愛小狐仙，並肩負重任在黃金時段硬撼世界盃，可知法拉備受無綫寵愛的程度。難怪一向甚受電車男歡迎的法拉，自言在新劇中反串做靚仔，希望能吸引女觀眾，事業再向前邁進一步。

世界盃下月開鑼，無綫為硬撼直播賽事的有線，以三線新劇迎戰，其中由馬浚偉和陳法拉主演的神怪劇《蒲松齡》，負責緊守 8時半的黃金時段。
陳法拉日前在中環接受訪問，談到今次她在《蒲松齡》中扮小狐仙小翠時，問她會否擔心「狐狸精」角色不討好，法拉說：「我覺得幾特別，喺戲度我識飛又識法術，而且仲會反串扮男裝，我睇完劇本之後都覺得幾有趣，阿哥（馬浚偉）又讚我靚仔，可能播出嗰陣吸引啲女性觀眾，所以我都好期待觀眾嘅反應。」

陳法拉初拍劇時多次以比堅尼上陣，吸引不少男 fans捧場，如今安排她主演的新劇撼世界盃，「賽果」下月揭盅。

陳法拉每次拍劇都會捱到病，令父母十分心痛。

拍完劇必大病

法拉續說：「我最初開始拍劇做奸角、做姣角，有啲人覺得做奸角唔好，但係我覺得係一個好開始，乜嘢角色都試，有咗呢啲寶貴嘅經驗，其他角色自然可以放膽去做，變咗會有好多 noise，觀眾亦會留意多咗。我家最想做啲楚楚可憐兼坎坷嘅角色，我覺得自己係一啲好獨立同硬淨嘅女仔，所以呢類型嘅角色對於我嚟講，係一個新挑戰。」
問陳法拉會否擔心做壞女人做到難抽離？她笑說：「唔會，因為我每次拍完一套戲之後，我都會『叮』一聲覺得好似開始放暑假咁樣，不過跟住會發燒，次次都係咁。」問男朋友會否覺得心痛？她笑說：「其實都會 o架，我爸爸媽媽都會，有時佢哋打電話畀我，聽到我未收工就會擔心，叫我早啲休息，所以病都唔會同佢哋講，費事佢哋擔心。」

陳法拉在《有營主婦》中有豪情露 bra場面，成為全港熱話，難得男友薛世恆（右圖）大方讚她做得特別好笑。

《 Face》圖片

男友幫手對稿

在新劇《蒲松齡》中．法拉初試反串造型，扮相俊俏迷倒鍾嘉欣，法拉希望能藉此吸納女 fans。資料圖片

提到陳法拉的男友、 Neway太子爺薛世恆，問男友對她的工作會否給意見時，法拉甜絲絲地說：「我做乜嘢佢都話好，佢一直都好支持我，好多時都會陪我對稿。基本上每次我有劇出街，佢一定會睇，而且次次都緊張過我，有時仲同我講，唔知點解我做得特別好笑同好睇，同平時好唔同，好似佢試過睇《有營主婦》，見到我發脾氣個樣，又覺得好好笑。」這也許是情人眼裏出視后，在男友眼中陳法拉演甚麼都 No.1。
採訪：何慧斯