無綫《香港先生選舉》昨日遭多個關注男士權益團體拉大隊，向廣播事務管理局及影視處投訴，斥節目賣弄男士身材、過於挑逗、意識不良、歧視男性，揚言廿一日決賽晚會拉隊踩場抗議。盛傳有份擔任港男司儀的周秀娜，亦以工作撞期為由推辭，令今屆港男雪上加霜。

伍詠薇曾帶備氧氣罩出席選舉，每當有港男埋身，她即扮缺氧拿出來吸氣。

無綫《2010香港先生選舉》舉行在即，昨日卻遭香港男士關注組、愛護家庭家長協會及平等公義協會投訴，指節目中男士泳裝近乎全裸、女評判可摸手摸腳、評判清一色為女性，有歧視男性之嫌。廣管局則表示自○七年起，已接獲相關投訴八十六宗，但投訴屬持牌機構製作方面的編輯自主，不屬條例規管範圍，已轉交無綫及適當的執法機構處理。

原本有份擔任司儀的周秀娜，以工作為由推辭。（資料圖片）

「唔好成日反乜反物」

熱爆書展和動漫節的周秀娜，本來獲邀擔任司儀，但她以工作撞期為由推辭，令港男「賣點」又少一個。雖然合作告吹，但她仍出言力撐無綫：「我好想做當晚司儀，但要拍戲，電影公司唔放期，惟有推咗，好可惜！但我會盡量度期做嘉賓，戴定con去瞄仔。（點睇有組織話踩場抗議？）香港愈來愈多顧問團，唔好成日反乜反物啦，呢個世界唔係仔瞄女，就係女瞄仔，個節目都係想效果好啫，演變到仔瞄仔，女瞄女，唔通就冇投訴咩！」

另外，周秀娜前晚應邀為夜店打碟，她自爆十八歲出席朋友生日派對時，被一名男士不停敬酒，最後要由朋友幫忙頂酒。

有份任港男司儀的呂慧儀則說：「清一色女評判唔算歧視！呢個係慣例，兩公婆去，個老婆一定唔會睇得放啦！」鄭裕玲則謂：「呢個係公司決策，我個人冇意見。」

周秀娜自認酒量差，少飲為妙。

今屆港男經常以泳裝出席宣傳活動，大晒健碩身材。

港男選舉特色是清一色女評判，亦被指有歧視男性之嫌。

無綫盡量聆聽意見

無綫外事部副總監曾醒明對於有團體抗議，他說：「節目係想帶出氣氛，無綫冇侮辱男性。今屆特設圓方戲院、奧海城直播，男女都可投票參與，平衡番各界聲音。若有團體抗議，無綫會盡量聆聽意見。無綫有指引畀女嘉賓，盡量唔好有身體接觸，說話唔好太挑逗性，但女嘉賓好多都係演員身份，表現投入，係會激咗啲。」港男監製衛世輝亦表示不擔心抗議人士踩場，揚言對無綫保安有信心。

參賽者藝人鬥騎呢惹批評

無綫《香港先生選舉》多年來都常有「騎呢」搞鬼報道，除了不少港男谷行肌肉博出位，連女司儀及女評判都曾以奇招博見報，惹來不少批評。

港男其中賣點是清一色女評判，每當港男僅穿泳褲到評判席拉票，不少女士都忍不住手摸港男，惹來外界批評。當中以港男常客伍詠薇最出位，○八年她為搞氣氛帶同氧氣罩到場，當見到心水男士，即扮缺氧拿出來吸氣，全場笑聲四起。

「巨臂Rocky」鄭健樂於○五年選舉中，為博取評判歡心，竟穿上幼帶泳褲，濕身兼晒肌肉玩自選表演，令全場女士口水狂滴，最後因為場面過火接獲多宗投訴。

○九年擔任港男司儀的楊千嬅，對於被封為「印尼王子」的參賽者郭田葰鍾愛有加。千嬅於節目不停大讚郭田葰，其後被指身為司儀的千嬅有偏私之嫌。

○八年落選港男陳冠標，曾經因為一身「爆肌」被批評為過分大隻，但他自認是人體藝術及表現肌肉美，不但懶理批評，每次拍照在鏡頭前狂谷肌肉，又經常做「攝石人」博搶鏡。

歷屆冠軍星途迥異

香港先生選舉今年已是第六屆舉行，過去五屆香港先生冠軍大多被無綫投閒置散，不獲力捧。當中最好要算是○五年冠軍高鈞賢，除了拍劇，亦拍過ＭＶ和電影。但若論新聞多多，非○六年冠軍黃長發莫屬。

黃長發當選冠軍後，一直新聞多多。

黃長發入行以來星途黯淡，但是非就不絕。「代表作」是他與「三奶」Karen的姊弟戀，夜蒲時又失控扮狗吠，早前更捲入疑似性愛影帶主角。現時長發已退出幕前，專心做經理人工作。至於○七年冠軍袁偉豪未選香港先生前，演出經驗豐富，曾拍維他奶廣告及逾二十部電影，但仍無助他在無綫發展。

高鈞賢

袁偉豪

懶理團體抗議 許家傑：入到嚟先算

今屆港男未選已惹風波，最近被男性組織投訴意識不良及涉性別歧視。歷屆代表均有不同意見，當中上屆冠軍許家傑（Jack）力撐節目健康，穿泳褲只是帶出陽光感覺：「去泳池個個都係咁，又唔係全裸！（團體話會踩場抗議！）佢哋入到嚟先算啦！我八月中生日，最好帶埋蛋糕嚟！」提到周秀娜推辭做司儀，Jack大感可惜：「佢係我偶像，唔嚟會失色咗，一係搵伍詠薇做，佢都算係靈魂人物。」

許家傑認為港男穿泳褲是帶出陽光感覺。

○七年冠軍袁偉豪希望觀眾以開放的眼光看節目：「唔係着泳褲就等於色情，而且喺黃金時段播，點會意識不良？」○五年冠軍高鈞賢則認為，只得女性評判是節目傳統，覺得全場清一色女士會令氣氛更高漲。不過黃長興則略有微言：「我都唔明點解唔請男性嘉賓，可能係公司gimmick。」

(1)陳嘉裕玩自拍練談吐

《2010香港先生選舉》十位候選香港先生昨日到上環某服裝店示範catwalk，及即席設計環保訊息T-shirt。雖然(4)葉建希自我介紹時自誇穿甚麼服飾都好看，但評判卻另有睇法。「至SMART型男」獎結果落在(1)陳嘉裕和(8)劉志偉手上。

陳嘉裕（左）與劉志偉奪「至SMART型男」獎。

問陳嘉裕獲獎可會增加比賽信心？他說：「行catwalk攞獎對決賽增強咗信心，依家積極操fit身形同埋練緊談吐。」問到怎樣練談吐﹖他謂：「我喺屋企用DV自拍，介紹吓自己，之後睇番睇吓講嘢有咩要改進。」

十位候選港男示範catwalk，做定熱身應付比賽。

劉志偉設計的T-shirt最有水準，但他表示未有修讀過設計，純粹即席發揮。問到準備甚麼在比賽發揮？他說：「依家練必殺技環節，但表演咩就要保密。」