黃子華、徐子珊同王君馨噚晚喺中環幫無綫新劇《My盛Lady》拍外景，劇情講子華同子珊教王君馨拍拖。

子珊首先著上貼身裙chok住擺sexy甫士行來行去，佢仲同子華攬頭攬頸嘟咀合照，港女上身一樣。不過期間因收音有問題，工作人員眾目睽睽之下由子珊裙底幫佢整收音咪，搞到內地自由行男士睇到眼甘甘。

咁套劇有冇咀戲？子華話劇本未有，咁有冇飛紙仔情況呢？子華就話：「已經有幾集劇本，第一日為TVB拍劇都係咁，盡力配合，唔少劇都有咁情況，好難有齊劇本，咁當然最好似外國劇每季只拍10幾集，唔同市場冇法子。」

講到近日無綫黃金時段劇集收視慘淡，子華聞言就話：「與我冇關，我都有預定呢日，每日最重要享受拍嘢，每日開開心心最重要。朝早有許紹雄，晚上又有美女。」

問到子珊同子華合作有冇忍唔到笑而NG？子珊話：「好彩有對稿，有乜笑嘢先。佢異於常人高自己好多班，神級中嘅神級。」

王君韾今次都係好性感！

Chok擺sexy pose。

呢兩位「盛女」，唔知子華會出咩招教佢哋識男仔呢?

扮自拍

笑下啦

嘩….子珊你想點呢….

子華狀甚痛苦….

睇到一班自由行眼甘甘….