《My盛Lady》陳敏之泳衣激吻阮兆祥

「索腿天后」陳敏之今日同阮兆祥等人去到石澳海灘為劇集《My盛Lady》拍外景,哇,敏之除咗著上泳衣,仲同祥仔激咀成5秒,好唔鍚身喎!

劇情係講祥仔阿嫲當年係主動追佢阿爺,而祥仔就自己分飾埋佢後生版阿爺,敏之就做後生版阿嫲。所以今日敏之同祥仔都著上60年代feel嘅泳衣,不過敏之件泳衣就唔算性感,只係tube加下身有絲巾嘅款式。

問到敏之點解唔晒胸,佢就話自己有腳,上面冇嘢晒唔到,祥仔就寸話人人都有腳。咁要著泳衣有冇唔食嘢?敏之話都有,但劇中子華真係太瘦,佢話劇組分大食組同細食組,子華同徐子珊真係唔食嘢,敏之同祥仔就係大食組。

咁劇情就講敏之遇溺,祥仔就出動英雄救美,敏之醒返之後,就主動箍實祥仔條頸激咀5秒,完shot後敏之望住祥仔都忍唔住爆笑,拍第二次時都冇再咀祥仔,唔通笑到咀唔到?不過點解敏之「遇溺」都冇濕身嘅?因為未拍呢個情節囉…..

《My盛Lady》陳敏之泳衣激吻阮兆祥
哇,重口味….

《My盛Lady》陳敏之泳衣激吻阮兆祥
祥仔笑到咁…..

《My盛Lady》陳敏之泳衣激吻阮兆祥
敏之懷舊泳衣….

《My盛Lady》陳敏之泳衣激吻阮兆祥
祥仔呢套泳衣….

《My盛Lady》陳敏之泳衣激吻阮兆祥
呢個姿勢……?

《My盛Lady》陳敏之泳衣激吻阮兆祥
準備…

《My盛Lady》陳敏之泳衣激吻阮兆祥
1…2….3

《My盛Lady》陳敏之泳衣激吻阮兆祥
忍唔住笑

《My盛Lady》陳敏之泳衣激吻阮兆祥
嚟啦…

《My盛Lady》陳敏之泳衣激吻阮兆祥
合埋眼…

《My盛Lady》陳敏之泳衣激吻阮兆祥
祥仔你咁嘅樣咩意思先….

《My盛Lady》陳敏之泳衣激吻阮兆祥
之後個shot冇咀了。